Heitt gas og spurningarlistar

Hitti GHK próffann minn í morgun vegna MA ritgerðarinnar. Oohhh ég vona svo innilega að spurningarlistarnir séu loksins tilbúnir svo hægt sé koma þessu af stað. Félaginn er nefnilega að fara utan í mars til dene með fjölskylduna í rannsóknarleyfi. Það þýðir að ritgerðin verður að vera búin fyrir þann tíma, allavega það sem snertir hans leiðsögn, nema ég elti hann til dene… sem væri nú hálf fyndið. Í hvert skipti sem ég geng út frá GHK er ég svo bjartsýn á að ég massi ritgerðina á met tíma. Hann hleypir í mann kraft, er alltaf svo jákvæður og fyndinn að mér finnst á endanum þessi ágæta ritgerð verði hrist úr erminni minni eigi síðar en í gær, svo einföld verður hún. Hún hrjáir mig nú ekkert sérstaklega það er frekar þegar henni er lokið sem hræðir mig. Hvað á maður að gera eftir margra ára háskólanám og enga vinnu er að hafa. Ég kvíði ekkert smá fyrir því að fara leita að framtíðarvinnu og fá 9 nei á móti 1 jái. Úff ekki skemmtilegt

Annars gengur hálf hægt að lesa fyrir prófið á mánudaginn. Ég e-n veginn er ekki alveg í stemmara, vill bara vera jólast hérna heima og græja eldhúsið. Vel á minnst kom pabbi áðan og tengdi gasið… íhhaaa nú er hægt að elda mat á öðru en prímus og í ofni. Massa svalt finnst mér… einnig gætu aðrir notið góðs af eldavélinni því nú er hægt að bjóða fólki í mat sem mér þykir ekki leiðinlegt.