Flutningur, afmælisboð og skírn

Jæja Jóhanna þúsund þakkir fyrir mig á föstudaginn og aftur til hamingju með afmælið. Grunar að koktellinn hafi e-ð farið illa í dömuna því ég komst ekki á fætur fyrir en í kvöldfréttum. Var gersamlega ónýt allann laugardaginn en á meðan ég lá skjálfandi þá fluttu Guðmundur og Elías restina af búslóðinni inn á Réttarholtsveginn. Ég kom niður og þá blasti allt yndislega dótið okkar. Ég sem var orðin mjög hress eftir sveittan beikonborgara og franskar ala Snæland, tók mig til og fjarlægði plast og pappa mumblunum. Þvílík gleði mér leið eins og jólin væru komin því tilfinningin var eins og taka utan af jólapökkunum. Dásamlegt að taka upp dótið sitt.
Annars fórum við í skírn í gær, fyrsta ömmubarn tengdó var tekið inn í kristna kirkju og fékk nafnið Dagbjört Ýr. Mér finnst fjölskylduveislur eitt það skemmtilegasta sem gert er. Gaman að hitta alla fjölskylduna og spjalla um hitt og þetta, ásamt því að borða góðgæti sem kitlar bragðlaukana. Maður þarf að halda oftar svona skemmtilegar veislur þar sem allir hittast og fjölskylduböndum er viðhaldið.