Ilmurinn úr eldhúsinu er svo lokkandi.... Það er verið að steikja svartfuglsbringubeinin upp úr smjeri og hangiketið er að kólna í pottinum. Húsbóndinn úrbeinar og ég steiki. Þvílík dýrindismatarlykt... segi ekki annað. Það er búið að græja svefnherbergið, allt hreint og fínt þar. Baðherbergið búið í stofunni stendur tréð í allri sinni jóladýrð. Gvuð hvað lífið er dásamlegt. Fyrr í kvöld borðuðum við kæsta tindabikkju og meðlætið var ekki af verri kantinum. Verstfirskur hnoðmor og hamsatólg, verstfirsk lauksósa, danskar kartöflur, íslenskt HB rúgbrauð og meira að segja buðu húsráðendur upp á íslenskt smjér! Þessu var síðan skolaði niður með Íslensku brennivíni og dönsku öli. Ekki slæmt að vera íslendingur í útlöndum...