var að vafra og datt inn á síðu um Herra Ísland. Ég ákvað að skoða þessa væntanlega ágætu stráka og rakst á þennan. Guð hjálpi mér... Hvað er málið með andlitið á gæjanum ég bara spyr. Gloss og brúnkukrem dauðans sem kallar fram freknur og ör en úppsss hálsinn gleymdist en það er væntanlega bara smart. Ég helt ég yrði ekki eldri þegar ég rakst á þessa stráka sem eru hver öðrum hallærislegri sérstaklega þessir með glossinn...
Hvordan organisationer fungerer er bókin sem verið er að hamstra núna... gengur vel loksins þegar ég hrökk í gang. Helgin var róleg fór í lestur og jólastúss... skemmtileg blanda!!! Tengdó kemur á föstudaginn og verður helgina í Köben, svona til að smakka á jólastemningunni og drekka jólabjór með syninum. Þannig að vikan verður að vera afkastamikil. Það sem hrjáir mig einna mest þessa vikuna ofan á eitt verkefni og próflestur eru blessuð jólakortin. En þau eru búin að vera í undirbúningi síðan í október. Ó já síðan í október og enn þá eru þau ókláruð. Það er þvílík vinna að skrifa á öll jólakortin og hef ég ár eftir ár alltaf sent miklu fleiri jólakort en ég hef fengið.
Hvernig getur maður útskýrt það?
1. Vinir og vandamenn nenna ekki að senda okkur kort 2. Vinir og vandamenn gleyma að senda okkur kort 3. Vinir og vandamenn bera við tímaleysi - það er svo mikið að gera í desember og bera fram tómar innihaldslausar afsakanir " æji ég ætlaði en svo hafði ég ekki tíma"
Hvað myndi gerast ef við hættum að senda kort til þeirra sem senda okkur, nú ætli þeir hætti ekki að senda okkur kort um næstu jól. Þar sem við erum að vinna að þessum blessuðu kortum sem taka tíma frá mér, þá fór ég að hugsa um þetta. Mér finnst svo lélegt þegar vinir manns, sem eru kannski barnlausir og einhleypir geta ekki drullast til að skrifa nokkrar línur og þakka fyrir liðið ár og þær samverustundir sem við áttum með viðkomandi. Maður myndi kannski skilja afsakanir hjá barnafjölskyldunum. Mér finnst nefnilega ekkert eins notalegt eins og að opna jólakortin og fá allar hlýju kveðjurnar frá vinum og fjölskyldunni þegar maður stendur á blísti, búin að renna frá eða farin í náttfötin seint á aðfangadagskvöld. Þegar jólaljósin og ilmurinn af trénu vermir mann að innan. OHHH .... hvað ég hlakka til jólanna.
en bókin bíður...
föstudagur, nóvember 21, 2003
Mony Hony
En eitt árið skila bankarnir "mesta hagnaði" frá upphafi er það vegna þess að Íslenska þjóðin skuldar svo mikið og að þetta sé allt vaxtagróði ? ....eða eru forsvarsmenn þessara banka svona góðir stjórnendur?
Til að kóróna umfjöllunina 100% þá hefur minn viðskiptabanki Kaupþing Búnaðarbanki og forsvarsmenn hans misboðið mér með innherjaviðskiptum sínum. Kaupa hlut á gengi síðan í sumar... nokkuð gott og ég held að þeir komist upp með það!!!
Hvað er til ráða? Nú fara með viðskiptin sín í annan banka!!!
Ég er alvarlega að hugsa um það og hvet aðra til að gera slíkt hið sama. Forsvarsmenn bankanna geta þá ekki að ári liðnu greitt út svínslegar háar bónusgreiðslur þar sem viðskiptavinirnir greiða vextina sína í aðra banka.
fimmtudagur, nóvember 20, 2003
Núna er mútta farin öhhhhhh.... tár tár
...en það var nú samt ágætt enda þarf ég að fara eyða tímanum í lestur enda próf framundan. Við mamma erum búnar að fá nóg af búðarrápi enda þræddum við bæinn þveran og endilangan og ef e-r vill fá upplýsingar um skóbúðir í köben þá bara tala við mig eða múttu!!! Vesalings mamma þurfti síðan að taka með sér allt sem hún keypti, bæði fyrir sig og aðra, ásamt jólapökkum sem fara eiga heim á frón. Annars var helgin ósköp notaleg enda gott að hafa múttu nálægt sér og stutt í mömmulyktina, við drukkum eðal hvítvín, borðuðum góðan mat, fórum í eitt stykki 1.árs afmælisveislu til Helenu Evu Pálsdóttur og fengum fullt af nammi nammi góðu að borða. Ég og mamma erum svo skemmtilegar saman að vesalings húsbóndananum var stundum misboðið... þvílík fíflalæti og vitleysisgangur, bóndinn hrissti bara höfuðið!!!
BÖRN undir 20 ekki lesa næstu skrif
Annars rákumst við bóndinn á frekar ógeðfeldan heimildarþátt um sölu barna til kynlífsþjónustu í Rúmeiniu og Ítalíu, nánar tiltekið í Búkarest og Milano. Ég hef nú í gegnum tíðina horft á allavega sjónvarpsefni en mikið DJÖVULL (afsakið orðbragðið) fór þetta fyrir brjóstið á mér. Mikið DJÖVULL er fólk SIKKKKK. Þetta var breskur blaðamaður sem væntanlega hefur verið rúmeni þar sem hann talaði rúmensku og gat bablað ítölsku líka. Hann var búin að rannska barnamisnotkun í e-r ár og sporin leiddu hann til þessara landa. Gæjinn var með faldar myndavélar í bílnum sínum og á sér þannig að áhorfandinn fekk að sjá og heyra allt. Í Búkarest talaði hann við götutráka, 12 til 17 ára sem höfðu í gengum breskan homma sem heitir Tom, selt sig til kynlífs, bæði honum (Tom) og öðrum vestrænum körlum. PIMP-ið hélt úti heimsíðu með myndum af þessum strákunum sem við fengum síðan að sjá með blörrað höfuð og kynfæri, og blaðamaðurinn sjálfu sýndi strákunum sjálfan sig á netinu. Strákurinn sem BM(blaðamaðurinn) talaði við sagðist hafa búið hjá þessum Tom og þeim tíma notaði hann strákin til samræðis og tók af honum myndir, gegn því að strákurinn fekk að búa hjá Tom. BM tók sig til og sendi email á Tom um hann hefði áhuga á að hitta e-n strák á síðunni (en það stóð neðst á heimasíðunni um að það væri mögulegt gegn greiðslu) Viti menn hann fekk svar og áhorfandinn fekk að sjá TOM. BM sjálfur fór ekki vegna þess að hann var ekk vestrænn í útliti heldur fór vinur hans. Þennan tíma sem Tom og "viðskiptavinurinn" voru saman (bauð honum heim í íbúðina til að láta viðskipavinin velja strák frá heimasíðunni) talaði Tom ekki um annað en hversu gott væri að taka þennan strák og þennan, rak út úr sér tunguna og slefaði. Þessi kroppur, tók hann um daginn og bróðir hans í gær...
Ég og Guðmundur orðlaus fyrir framan sjónvarpið og bara aldrei og ég meina ALDREI hef orðið vitni af öðru eins, shitt....
"viðskiptavinurinn" fekk síðan strák 15 ára sem talaði lélega ensku en var nýr í þessum geira. Tom hafði talað um að senda stráka til Evrópu til góðra kunna, annar þeirra var arkitekt í Þýskalandi og hinn var dómari. "viðskiptavinurinn" hafði áhuga á hvernig Tom gæti ferðast með þessa stráka milli landa þar sem lög í Rúmeinu meina öðrum en foreldrum að ferðast með börn. Foreldrar þessara drengja gefa skriflegt samþykki vegna þess að húsleiga, hiti, rafmang, sími og matur er greitt fyrir foreldrana þess vegna geta þau ferðast. ERU ÞIÐ MEÐ.... fokking foreldrarnir gefa PIMP-unum heimild gegn því að dagleg útgjöld eru greidd!!! Þetta á eftir að versna. Í Milano hafði BM heyrt um að börn væru til sölu. Hann sagði að því sem hann komst að því hvað væri í gangi í Mílano kæmi honum mest á óvart í öll þessi ár sem hann hefði rannsakað barnakynlífssölu. Á e-u torgi þar sem rúmeinar voru í meirihluta seldu foreldrar börnin sín. Já upp í bílinn settist strákur fæddur 1988 og faðir hann deildi við BM um verðið fyrir 30 mín eða 60 mín. Hann útskýrði fyrir BM hvers vegna hann seldi strákinn og það var vegna þess að þá vantaði peninga. Mamman vissi ekki neitt um neitt og strákurinn var seldur BM á 40 evrur fyrir 30 mín. Faðirinn seldi strákinn sinn á kvöldin en á daginn fór strákurinn í göngugötuna í Mílano og betlaði af fólkinu þar. Meira að segja var BM boðið 10 gamall strákur sem síðan gugnaði þegar hann átti að fara einn upp í bíl með BM og vildi fá frænda sinn með.
Þarna var mér allri lokið.... og er ég enn orðalaus. Það sem kemur mér mest á óvart er að það skuli vera eftirspurn eftir svona þjónustu, að fullorðið fólk hafi áhuga á því að komast yfir börn. Ég hef verið á þeirri skoðun að vændi muni alltaf vera til staðar svo framarlega sem eftirspurn sé eftir því og að í flestum tilfellum þá er sá einstaklingur sem býður fram blíðu sína að gera þetta vegna þess hann vill það. En um leið og fólk er þvingað í þessa þjónustu þá er þetta orðið vandamál og þá er hægt að tala um þrældóm þar sem einstaklingum er haldið gegn vilja sínum, sbr. þegar konur eru ginntar með gylliboðum frá gömlu austur-Evrópu til vinnu en enda síðan í vændi. En hvað er þetta þegar foreldrar eru farnir að selja börnin sín fyrir pening. Hvernig getur maður skilgreint það? Er það vændi eða sifjaspell eða hvorugt? Þessir strákar gerðu þetta vegna þess þeir voru beðnir um þetta og gætu flúið að heiman ef þeir vildu ekki selja sig. Er hægt að hjálpa þeim sem ekki vilja hjálp? Ég bara er orðlaus...
Þátturinn endaði á að BM sagðist hafa gefið allar upplýsingar sem komið hefðu fram til lögreglunnar í UK-en ekki hvort Tom hefði veri tekin.
Ég vaknaði allavega í nótt og gat ekki sofnað aftur þar sem þessi þáttur olli mér heilabrotum...svo ógeðfelt að ég hefði aldrei vilja trúa því að svona hlutir ættu sér stað nú á dögum.
miðvikudagur, nóvember 12, 2003
Brauðbakstur og jólapúrtvín
Bóndinn stendur í ströngu þessa stundina þar sem hann hamast á deginu eins og besti bakarameistari. Við ákváðum að baka brauð enda brauðið næstum búið frá því í fíluvikunni og mútta á næsta leiti. Þetta verða örugglega 4 eða 5 stk. af brauði enda bakað úr 2 1/2 kg af hveiti og dugar væntanlega út nóvember. Úff hvað ég hlakka til að sjá múttu og væta hana með jólapúrtvíni. Mamma nefnilega elskar gott púrtvín og þegar við hjónin vorum í Þýskalandi að kaupa bjór og d-kóla, þá valdi ég eina góða púrtvín. Flaskan er frá árinu 1988, sama ár og Ottó jr. frændi fæddist og ég synti enn í innilauginni í Fjölbraut í Breiðholti. Þegar sá tímarammi er skoðaður ÞÁ er langt síðan... Púrtarinn bragðast eins og hugur manns meira að segja var korktappi í flöskunni eins og góðum vino tinto y vino blanco. Ég hef alist upp við að hafa púrtvín í jólaflöskunni frá holmegaard hver jól (einu sinni setti pabbi reyndar ojj ákavíti sem ekki nokkur lifandi maður drekkur). Þannig að þegar ég eignaðist jólaflöskuna þá varð bara að vera Púrtari í. Málið er að í desember fær maður svo mikið af gúmmulaði og sætindum að mig langar ekki í sæt vín. Þess vegna er tilvalið að starta jólastemningunni með því að setja gott púrtvín í jóladagatalsflöskuna.
Skál fyrir því.
þriðjudagur, nóvember 11, 2003
Kaffi, kaffi og kaffi, nei annars fæ mér smá tesopa!!!
Er að reyna minnka kaffidrykkjuna enda er fíknin orðin frekar mikil ef maður fær hausverk þegar maður fær ekki kaffið sitt. Ráðið var að kaupa te en það er ekkert venjulegt te heldur jólate. Eldhúsið ilmar af negul, kanel og appelsínulykt, nammi namm en bragðast teið eins vel og það lyktar? Humm.. það var smakkað og viti menn, þvílíka gúmmulaðið meira að segja þurfti ekki að setja hunang eða mjólk heldur stóð teið alveg undir sínu. Ég sá fram á að geta sofnað vært og rótt enda róandi að drekka te á kvöldin. Ekki gat ég sofnað strax þrátt fyrir að vera orðin þreytt, hvað var sökudólgurinn? Mig grunar að það sé jólanammiteið. Teið er kannski ekki eins róandi eins og ég hélt heldur er það alveg jafnslæmt eins og kaffið. Teið hinsvegar bragðast afskaplega vel og ætli ég endi bara ekki í þreföldum kaffeinskammti, þ.e. morgunkaffið, d-kóla í dós og svo jólateið. Maður ætti að hafa mikla orku á næstu vikum!!!
Annars er mamma elskan að koma í smá vinnuferð og í staðin fyrir að koma í miðri viku ákvað hún að koma á laugardegi til að vera með dóttur sinni. Öhhhh hvað ég hlakka til að fá hana. Við ætlum að jólabúðarkaupast, drekka gott hvítvín sem er geymt handa góðum gestum og spjalla.... Hún ætlar líka að koma með hangiketsbita sem notaður verður í jólamatinn síðan ætla ég að senda með henni nokkra jólagjafir til fjölskyldunnar. Það verður að nota ferðinna því ekki er póstþjónustan gefins. Þarf að klára jólapakkana... og fá mér koffein nr. 3 þ.e. jólateið og setja á jólatónlist meðan maður er að jólast... já ég veit... er alveg snar!!
föstudagur, nóvember 07, 2003
Bjór og jólastúss
Bóndinn talar um jólabjór og ég er farin að hugsa til jólanna. Nú hugsa allir sem lesa þetta... Hún Sara er GEÐVEIK þar sem hún er farin að hugsa um jólin. Ég skil bara ekkert í mér ef ég á að vera hreinskilin þar sem mig langaði að fara spila jólalög í október. Ég er rosalega mikið jólabarn að bóndanum er stundum nóg um sérstaklega þegar ég vildi spilia jólalög í október. Það fannst honum of snemmt!!! innst inni er ég sammála honum en þegar maður er að jólast t.d. að búa til jólakort eða búa til jólagjafir verður að vera jólatónlist þrátt fyrir að það sé október.
Í gær fórum ég, Hlín nágranni og Valtýr gússímús í langan göngutúr til þess að klippa greinar og ber í hurðar(jóla)krans. Mér leið eins og þjófi þar sem ég og Hlín með klippurnar á lofti, réðumst á trén og runna í görðum hjá ókunnugu fólki og fengum "lánað í kransa". Við komum heim og settumst að verki hjá Hlín. Ég var talsvert heppnari en hún þar sem allskyns kvikindi bæði lifandi og dauð poppuðu upp um úr kransinum hennar. Frekar ógeðslegt en Hlín var með fingurnar á lofti og ég barði öllu sem ég komst í til að drepa þau. Þrátt fyrir þau eru kransarnir flottastir í Danmörku þótt víða væri leitað. Síðan lofaði ég mér í gærkveldi að í hverri viku í nóvember verður tekinn upp einn jólaskreytingakassi til að skreyta. Þannig að þegar kassarnir eru búinir verður komin desember. ;-)
Í kvöld fáum við síðan verkfræðifélaga Guðmundar úr HÍ í mat og konuna hans og ætlum við að elda rósmarín svissaðan kjúling í hvítvíns/hvítlaukssósu. Nammi namm en núna er það kaffi og mbl.is
Góða helgi allir!
fimmtudagur, nóvember 06, 2003
Þetta er fyndið.... segi ekki annað en nokkuð er til í spekinni!!
Ég veit ekki hvað Sara er að leita aumkunar lesenda vegna hruns heimilistölvunnar þar sem ég var búinn að segja henni að þetta reddaðist. Ég fór semsagt með harðadiskinn úr tölvunni til Nonna nágranna og setti hann í tölvuna hans og afritaði allt af honum ... þ.a. gögnin eru í öruggum höndum og aldrei hætta á ferð, þó svo að tölvan hafi ekki getað ræst sig. Gögnin eru meira að segja komin á enn eina "second hand" tölvu heimilisins sem er í fullu fjöri sem heimilistölvan.
Bónusvinningurinn í lottóinu er þó að Sara var að enda við að uppgötva að hún þarf að skila danska hagfræðiverkefninu sínu - í annað sinn - á morgun, en ekki hinn! Við sitjum semsagt í óða önn að tvinna við svörin í upphaflega verkefninu og endurorða sum þeirra þar sem kennarinn á erfitt með að skilja dönsku, allavega dönskuna hennar söru: "det er ikke ligetil, at forstå hvad du skriver..." segir hann við eitt svarið, og satt best að segja skiljum við ekki heldur hvað hún (við) skrifuðum :)
Allavega fjör í Holte sem endranær, en það er huggun harmi gegn að J-dagurinn er á föstudaginn - skál.
þriðjudagur, nóvember 04, 2003
Lottóvinningur dagsins fór til Holte í gær en þá hrundi harðidiskurinn í heimatölvunni... jéeee Lottóvinningurinn innihélt m.a. B.A. ritgerð, uppskriftir, verkefni úr HÍ og KU, bæði ný og gömul og allt sem fólk geymir í tölvunni sinni. Mikil ánægja er í Holte vegna vinningsins og nú þegar er búið að opna kampavínsflösku enda stemningin svaðaleg....
sunnudagur, nóvember 02, 2003
Ömurleg vika á enda...
Mikið rosa er ég fegin að þessi leiðinlega vika er á enda. Ekki bara að ég hafi fallið í fokking verkefninu heldur náði bóndinn að eyðileggja geisladrifið í tölvunni sinni og hann komst að því að fínu stólarnir hafa rispast af glerborðinu - allir nema einn. Mér til mikils ama þá tók ég feil um viku á skráningu í vetrarpófin þannig að ég þarf að skrifa formlegt bréf, sleikja rassa, væla og afsaka - afsaka til að biðja um undanþágu til að fá að taka prófin. FOKKING fáviti ég var að klikka svona á þessu. DJÖVULL ........ ég er þvílíkt búin að skrifa bréf á þessa fokking nefnd og lenda í henni þannig að skrifa til hennar er ekki efst á vinsældarlistanum mínum. Til að ná tökum á fílunni þá ákváðum við hjóninin að baka brauð. Það er ekkert eins betra þegar maður er í fílu (allir í fílu) nema að baka brauð og fá útrás fyrir fíluna í hnoðuninni. Auðvitað náði ég að fokka einföldum hluti eins og gerbakstri vegna þess að hluti af birkirúnstykkjunum féll og varð að klessu. Grunar að það sé samspil á milli andlegs ástands bakarans og outputsins sem kemur ekki nóg að hafa góð aðföng!!
Rikka litla systir Guðmundar er í heimsókn þessa helgina þannig að vikan endar allavega ágætlega! Alltaf gaman að fá heimsókn, við erum búin að þræða búðir og eyða peningum í H&M, borða góðan mat og horfa á skemmtilegar bíómyndir. Maður er manns gaman!
