þriðjudagur, september 30, 2003

 
Engin lognmolla

er í kringum fyrrum lærimeista minn, dr. Hannes Hólmstein Gissurarson um þessar mundir. Það sem ég á við eru ævisagnaskrif doktorsins á umdeildum en jafnframt stórmerkilegum manni, Halldóri K. Laxness. Ætli málið sé orðið rammpólitíkst fyrst skrifstofustjóri forsætisráðuneytisins er sendur upp á Gljúfrastein með safnverði Landsbókasafnsins til að ná í einkabréf Auðar Laxness? Bara til að geyma á safninu eða bara fyrir Hannes? Í blaðinu í dag, segir frá því að Hannes hafi mætt með ljósritunarsveit upp í Landsbókasafnið til að að afrita safnið hans Halldórs!!!

Það litla sem ég þekki til Hannesar sem fræðimanns þá er hann mjög faglegur til verka og vandvirkur við það sem honum finnst skemmtilegt. (sbr. kennsluna sem hann virtist ekki hafa mikinn áhuga á en svo heimildarmyndir um liðna öld sem voru þvílíkt vel unnar hjá honum) Hvað Hannes vill draga fram í sviðljósið með rannsókn sinni á ævi Laxness, er eflaust sannleikurinn um þennan annars ágæta mann sem landinn hefur klætt í heilög klæði. Ég efast ekki um að Hannes verði með staðreyndarvillur eða máli skrattan á vegginn þar sem hann er góður fræðimaður en hins vegar getur túklun hans á einstökum gögnum leitt til þeirrar niðurstöðu sem hentar honum. Þetta á við um alla fræðimenn og þetta er þekkt aðferðafræðilegt vandamál.
Fólk sem á eftir að liggja á jólameltunni með bókina í hægri hönd og konfektið í hinni,(ég þar á meðal) verður einfaldlega að vera með varann á þegar það les bókina og gagnrýna hana út frá sinni eigin sannfæringu eins og um fræðirit væri að ræða en ekki afþreyingu.

En það er önnur spurning sem vaknar og hún er:
Við hvað eru ættingjar Laxness hræddir um að komi fram í dagsljósið með skrifum Hannesar?

1) að Hannes græði peninga á kosnað fjölskyldunnar. 2) að Hannes komi með staðreyndarvillur um ævi og störf nóbelskáldsins. 3) að sala á bókum Laxness minnki og þal. minni peningur inn í kassann fyrir útgefandann og fjölskylduna. 4) ættingjarnir eru trúir útgefanda Laxness, Halldóri Guðmundsyni sem er sjálfur að skrifa ævisögu skáldsins og eru hræddir um að sala á þeirri bók verði minni en ella vegna bók Hannesar. 5) að Hannes sem hefur verið hisspurslaus í skrifum sínum um skáldið, bæði fyrir og eftir andlát hans og að hann verði það áfram og skaði þá heilögu ímynd sem landinn hefur á Laxnessi.

Þegar stórt er spurt er oft lítið um svör en ef ég þekki Hannes rétt, á hann eftir að svara þessu fullum hálsi, væntanlega skriflega. Fyrir þá sem hafa áhuga er heimasíða Hannesar skemmtileg lesning en þar má finna greinar sem doktorinn hefur ekki fengið birtar sökum hreinskilni hans. (viðhorf er valið) Topp 10 listinn er líka áhugaverð lesning... sem sé ef þú ert að vafra og vinnan er leiðinleg þá getur Hannes látið þig hlægja!!!

sunnudagur, september 28, 2003

 
svo virðist sem engin... NB enginn... hefur haft húmor fyrir mér og Friðrik eins og ég hlóg mig máttlausa við skrifin um vininn minn hann Friðrik. Eftir síðustu viku erum við Friðrik orðnir svo miklir buddíjar enda búin að vera í stofunni meir og minna alla síðustu viku!!


gersamlega húmorslaust lið!!!

 
ein í kotinu þar sem bóndinn skrapp í tvo daga til Prag, djö.. ég hefði átt að fara með honum en allavega ekki í þetta skiptið. Á föstudaginn var okkur boðið í mat til íslendinga sem fluttu í sumar hingað til Holte ásamt nonna nágranna, Ölmu og Kolbrúnu. Hjónin heita Halldór (kallaður Biggi), Hlín og gússímúss Valtýr sem er búin að bræða hjarta mitt. Þvílíkan engil hef ég hitt lengi, bara brosir og hjalar endalaust!!! Biggi hefur fengið á sig nýtt nafn Biggi the master pizza maker!!! Þetta heiti ber hann með mikilli reisn enda bakaði hann sig inn á topp 5 bestu Pizzur sem Sara hefur smakkað á ævinni og eru þær orðnar nokkrar!!! ohh já Eldsmiðjan má fara vara sig þvílíka gúmmulaðið maður... fæ alveg vatn í munnin við tilhugsunina. Nú er rætt um hvort við gætum bara ekki stofnað fyrirtæki hérna í portinu, Biggi the master pizza maker býr til Pizzur og við hin reynum að selja þær hérna í portinu. Ég held að þær eigi eftir að slá í gegn allavega er Biggi the master pizza maker búin að gera það hjá okkur Guðmundi og Nonna og Co.

Vikan verður erfið enda fæ ég heimapróf í djö.... ökonomi á föstudaginn og Sara á eftir að lesa alla fokking bókina nema fyrstu 3 kaflana og eru þeir margir. Öll næsta helgin fer síðan í að gera þetta blessaða heimapróf þannig að ég hlakka ekkert rosalega til næstu viku.

Annars er ég að melta það að koma heim í haustfríinu, taka púlsinn á liðinu í MPA náminu og undirbúa hópverkefni sem verður í nóvember, nema hvað að það er djövull dýrt að fluga nákvæmlega á þessum tíma sem ég vil fara og fyrir sama verð gæti við hoppað til borgar börsunga eða til Prag fyrir sama verð!!! Er í vandræðum... en þarf engu að síður að taka ákvörðun fljótlega.

miðvikudagur, september 24, 2003

 
Vissuð þið að Krónprinsinn af Danmörku fær 3.7 milljón danskar krónur á dönsku fjárlögunum til eigin framfærslu. Það eru 44-45 milljónir íslenskar krónur á ári!!!

Var bara aðeins að hugsa málið á meðan ég hengdi upp nærfötin okkar Guðmundar hvort Friðrik þvær þvottinn sinn sjálfur eða gerir hann eins og vinur minn hann Justin Timberlake en Justin hendir nærfötunum sínum eftir hverja notkun!!! en ætli Justin þvo þá nærfötin á undan notkun? humm... góð spurning

 
Vélin gangsett

Þvottavélin þvær... íhaaa þökk sé Nonna nágranna fyrir að fixa rafmagnið fyrir okkur. En mér til mikillar ánægju breytist húsbóndinn úr giftum manni í rafmagnselskatakkastingaísamband strákling og stökk til að fara þvo... og þvær eins og berserkur. Hann er búin að lesa allar þvottaleiðbeiningarnar og búin að finna út þetta prógram fyrir þennan þvott, og hitt prógrammið fyrir svona þvott en ekki svona, og svo breytir maður þessu hérna með því að ýta þennan takka...endalaust af upplýsingum!!!

Ætli ég bara láti ekki bóndann um að þvo!!!

hony... love ja ;-)

 
Nú er pressan farin að tala við kjólameistara, gullsmiði og förðrunarfræðingar um hvernig kjóllin-hringurinn og förðrin á að vera miðað við tískuna og persónuna Mary... díses maður og dagurinn hefur ekki enn verið ákveðin!!!

 
Jæja þá er Krónprinsinn af Danmörku loksins gengin út og Mary getur lifað hamingjusömu lífi forever eða hvað?

Pressan hérna er gersamlega að tapa sér... útsending danska rúv er í loftinu og það er þvílík múgsefjun að ég hef bara aldrei upplifað annað eins. Allt um Mary og Fredrik, þau saman, hana, hann, fyrverandi kærustur hans, viðlöl við þær, myndir af þeim, Fólk frá Tasmaníu, eyjunni sem Mary ólst upp á og bara NAME it... meira að segja allt vitlaust upp í vinnu hjá Gumma... díses maður

 
Leyfi fyrir þvottavélar

Vélin kemur í dag enda ekki seinna vænna þar sem við Guðmundur erum farin að ganga á varabirgðirnar af sokkum, nærfötum og bolum =allt óhreint. Í Danmörku er ekki nægjanlegt að kaupa þvottavél og láta vélaverkfræðinginn tengja hana heldur þarf að fá skriflegt leyfi hjá tveimur öðrum fyrir utan leigjandann. Ég þarf að biðja um leyfi hjá þessu fyrirtæki. Ég sendi email í gær :

Emne: ATT. Kurt Larsen-tilladelse til installation af vaskemaskine

Kære Kurt

Vi vil gerne bede om tilladelse til installation til vaskemaskine.

Med venlig hilsen,

Sara Björg og Guðmundur Axel

Svarið kom um hæl( fyrir utan rafmagnsleysið kom það í morgun)

hermed tilladelse til opsætning af vaskemaskine i henhold til de bestemmelser derfremgår af vedlagte

nedenstående bedes udskrevet i 3 eksemplarer.

1. til lejer
2. ejendomskontor
3. til UngesBoligService

med venlig hilsen

Kurt


Með svarinu kom pappír sem þarf að skrifa undir í 3 eintökum, eitt fyrir okkur, eitt fyrir húsvörðinn og síðasta fyrir fyrirtækið sem leigir okkur.

Hugsið ykkur alla aukavinnuna sem fylgir því að þurfa samþykkja þvottavélar hjá mörgum Kollegium hérna Í Danmörku??? Shit maður og þetta á bara við um þvottavélar, hvað með allt hitt eins og uppþvottavélar eða viðhald? Ætli það sé líka ALLT skriflegt??? Þetta gæti nú bara orðið að rannsóknarefni hjá mér og tilgátan gæti hljóðað eftirfarandi: Hafa skrifleg leyfi til þvottavéla aukið þjónustustigið hjá Ungdomsboligservice?
Þetta er það ótrúlegasta sem ég hef bara rekist á hérna í danaveldi, ótrúlegra en að panta bíóferð með elskunni í miðjum desember....

mánudagur, september 22, 2003

 
og svo tapaði KR 7-0 fyrir FH... djövull er það sætt maður, það finnst mér allavega enda nauðaynlegt að lækka hrokann í þessum KR-ingum af og til!!!

 
Biðraðir og naglaskortur

Stressvika dauðans er hafin af krafti... 3 verkefni bíða mín og neglurnar farnar... sorry mamma!!! Annars kom litli bróðir Guðmundar í heimsókn með kærustuna. Þau fóru í dag aftur heim til Íslands. Það var gaman að fá þau yfir helgina bara leiðinlegt að þurfa eyða henni í verkefnavinnu. Við fengum ýmislegt góðgæti að heiman, vænst þótti mér nú um hangiketsáleggið og flatkökurnar... nammi namm. Takk fyrir það jaka6 :-)

Með laugardagspóstinum kom tilboðsbæklingur frá elgiganten (danskt elkó) og viti menn, bara tilboð á Miele þvottavélum þannig að við Guðmundur skunduðum í gærmorgun kl. 10:30 (bóndinn frekar súr eftir bjórdrykkju og vindlareykingar frá laugardagskveldinu) í svaka stuði og með kaffimuggið. Ómygood... hvað var mikið af fólki, mér var hugsað til hvort ég væri illa langt leidd af þvottavélaleysi að ég lét mig hafa það að vakna fyrir allar aldir á sunnudagsmorgni til að skoða þvottavélar í elgiganten...
Við fundum vélarnar og sem betur fer voru ekki allir að kaupa Miele þvottarvélar heldur líka ískápa, frystikistur, örrara og uppþvottavélar. Við hjónin frekar súr og Guðmundur sínu verri en ég, þrátt fyrir að kaffið væri vel komið út í blóðið, fengum enga afgreiðslu!! Hvar er allt staffið Guðmundur??? Við litum í kringum okkur og sáum þá þessa líka svaðalega löngu röð, nej hold nu op- bara röð eftir að fá mann til að afgreiða sig. Við fengum okkur meira kaffi í röðinni og sem betur fer höfðu yfirmenn giganten séð fyrir sér kaffiþyrsta kúnna þegar þeir ákváðu að hafa sunnudagsopnun... bolla eftir bolla minnkaði röðin og loksins kom að okkur. Myndar stelpa með allt of mikinn eyliner var öll að vilja gerð til að aðstoða okkur. Valið var ekki erfitt enda var Guðmundur búin að liggja yfir þvottavélabæklingum síðan við vissum hver brúðargjöfin frá tengdó yrði. Miele var málið með e-i svaka trommu sem fer rosalega vel með þvottinn já já je je .... þvottavél er bara þvottavél fyrir mér en ég hef aldrei verið svona fljóta að kaupa hlut, bara benti og sagði; ætla að fá þessa vél. Ég nefnilega talaði fyrir okkur bæði þar sem bóndinn hefði fælt allt staffið vegna áfengislyktar þrátt fyrir mikið kaffi, banana og tannburstun. Þvottavélin kemur síðan á miðvikudaginn og íhaaa ekki fleiri ferðir með þvott í fimm vélar, ekki þurfa panta vél með dags fyrirvara og alls ekki eiga það á hættu, að e-r lúði taki af manni pantaðan þvottavélartíma...

en verkefni fyrir opinbera stjórnsýslu er farið að liggja ansi þungt á herðumm mínum enda skil eftir 2 daga og bækurnar ný komnar til Danmerkur. Auður mín, gætir þú nokkuð sent mér þær glósur sem þú átt til á tölvutækuformi.

föstudagur, september 19, 2003

 
Er að horfa á, með öðru auganu, minningarathöfnina um Önnu Lind.... ohhh hvað þetta er sorglegt

miðvikudagur, september 17, 2003

 
Ef maður pantar þvottavél á ákveðnum tíma í þvottahúsinu á maður þann tíma en ef maður á tíma og kemur að vélinni fullri getur maður fengið svona skilaboð á innranetinu:

Hvad helvede er det for en nar...
Som først nakker min vaskemaskine kl 20.30, og senere min tørretumbler 21.30. vedkommende har ikke skrevet sig på overhovedet. Vil den kæmpe idiot som har gjort det venligst tage sig lidt sammen og læse dette hvis og FORSTÅ DET.


þetta var ekki ég ;-) bara svo að það sé á hreinu!!!

þriðjudagur, september 16, 2003

 
annars er bara allt í gúddý, skólinn er orðin þungur og mikið af verkefnum framundan. Besta að vera skipulagður og nota dagbókina til að skipuleggja...

 
Hei heimur á e-r Embættismenn og Stjórnmálamenn til að lána mér fram að jólum? Ef e-r á hana og vill vera svo elskulegur að lána mér hana má hann fara með hana í Jakasel 6 í Reykjavík svo ég fái hana til Danmerkur á morgun!!!

Ég verð þeim sem lánar rosalega þakklátt ;-)

sunnudagur, september 14, 2003

 
úfffff

er rétta orðið yfir þessa helgi sem hefur verið ansi löng. Á fimmtudaginn 11. september eignaðist Fjóla frænka og Jón bóndi lítinn og nettan strákpjakka og færir þvílíka gleði og hamingju inn í fjölskylduna okkar sérstaklega þar sem systurnar þrjár hafa ekkert verið ólmar í að eignast kríli og barnabörnin bara verið 4 en núna erum við orðin 5 og við stelpurnar, ég og Olga sys þurfum að láta í minnipokann fyrir hinu kyninu. Allavega gekk allt eins og í sögu og mig langar til Íslands í gússímúss leik við nýja frændan.

En fleiri börn komu þessa helgi þar sem Ása stjórnmálafræðivinkona ákvað að ljúka þessu af föstudaginn 12 sept. Það var Strákur sem var líka nettur og fínngerður, sem sé alger gússímúss eins og sést á myndunum hjá þeim. Til hamingju krakkar!!!

Síðan var okkur Guðmundi boðið í mat á föstudaginn til Siggu Birnu frænku og þar endðum ég og SB í að slátra sittihvorri rauðvínsflöskunni en bóndinn fórnaði sér fyrr bílinn. Ég var komin í þessa líku stemningu og langði að tjútta aðeins þannig að við kíktum á fællesbarinn sem er bara opin á föstudögum en viti menn, hann var lokaður og þá var ekki annað eftir en að koma sér í háttinn og hvíla sig fyrir átök laugardagsins...

Stuðmenn rokkuðu feeeeeiiiittttt í Glassalnum og mikið rosalega skemmtum við okkur vel. Ég er næstum því raddlaus þar sem ég söng svo hátt og snjallt með. Ég átti líka erfitt með að sitja kyrr og á endanum varð ég að standa upp til að dilla mér. Besta lagið kom eftir fyrsta uppklappið Sísí fríkar út... og satt best að segja, fríkaði Sara út líka... GÆSAHÚÐIN bara spratt upp og þvílík geðveiki maður ... þetta lag er bara ein besta snilld sem þeir sungu, (kannski því ferðafleygurinn var búinn og við Guðmundur í þessu líka rokkna stuði) Reyndar gat maður ekki annað en staðið upp við Íslenska Karlmenn, HALLÓ HALLÓ HALLÓ og "Manst' ekki eftir mér!
Frábært kvöld og frábær skemmtun.....þetta verður seint leikið eftir.

Í dag klukkan 16 er okkuð boðið í afmæliskaffi til Dísu og Kjartans en þau eru íslendingar sem búa hérna á kolleginu og við höfum haft samneiti við. Dísa er mikil dastrari og veit ég að í kaffinu verður vel veitt af allavega góðgæti enda eru þau miklir sælkerar. Við förum pottþétt ekki svöng heim... en svo þarf að vakna kl. 6:30 í fyrramálið og veit ég að við förum snemma í rúmið enda ég ekki búin að fá fullan svefn þessa helgina...

fimmtudagur, september 11, 2003

 
Ég er komin niður á jörðina eftir þessa skelfilegu fréttir í morgun. Góðu fregnir dagsins koma úr gymminu en ég drullaðist á fætur og fór í spinningtíma. Ég verð nú að viðurkenna að viðbrögðin við vangaveltum mínum um dani í gymminu kom mér nú verulega á óvart en það er gaman að e-r lesi skrif manns. Allavega mætti ég margefld til leiks í morgun með slatta af sperrum í rassi og lærum enn ekki það mikið að nr. 2 skilaði sér ekki.... djók (er ég að misbjóða siðferðiskennd ykkar? ég hlæ allavega hátt núna)
Tíminn byrjaði og ég ákvað að gefa frá mér meira feedback en í síðasta tíma, gríðalega góð stemning og kennarinn þvílíkt öskaði á mann til að peppa ekki bara mig upp heldur líka hjólafélaganna en enginn gaf neitt á móti nema ég. Tíminn rokkaði feitt og eftir mörg íhaaaaa.. jeeeee þá fór ég í sturtu og þegar ég var að þurrka mér kemur kennarinn til mín og þakkar mér fyrir tímann. Sagði hún þetta hefði verið ákaflega skemmtilegur tími og hegðan mín hefði sko gefið tímanum líf.... hana nú, djöfull roðnaði ég.. hikkstaði upp úr mér að í mínu heimalandi öskruðu allir hver ofan í annan en hérna sætu allir með pening milli rasskinnana til að prumpa ekki!!! Hún varla trúði mér þegar ég sagði henni frá íslensku hefðinni og sagði við hana að ég fengi miklu meir út úr tímanum með því að gefa frá mér feedbackið...

Þá hafiði það, Sara kannski bara breytir dönskum spinningtímum í íslenska....íhaaaa....

 
Ég hafði rangt fyrir mér! Person ætlar ekki að láta ofbeldi snúa við lýðræðislegu ferli og því kjósa Svíjarnir á sunnudaginn.

 
Hvað er að samfélaginu sem við búum í?

Drepa 2 barna móður með hnífi í fokking verslunarmiðstöð... ég bara á ekki til orð!!! Ég horfiði á sænsku stöðvarnar í gær og í morgun og vesalings Person bara með tárin í augunum og sæll ég fékk tár í augun líka. Hvernig í andskotanum getur svona gerst... Var það þetta tilviljun eða var þetta skipulagt vegna kosninga svíjanna um evruna? Ég vona bara að morðinginn finnist og hann fái refsingu sem hann á skilið.


Ég spái því, að Person aflýsi kosningunum á sunnudaginn um óákveðin tíma vegna þess að fólk hefur samúð með Önnu Lind og kýs þá já frekar en nei við Evrunni. Það myndi ég ekki kalla lýðræðislegar kosningar þegar tilfinningar eru komnar í spilið.

þriðjudagur, september 09, 2003

 
Í gymmið


drullaðist loksins Sara eftir langt hreyfingarlaust sumarfrí, mikla átu og nokkur kíló keypti hún kort fyrir helgina og er búin að fara 2*. Í morgun fór hún í spinningtíma sem var hrottalega góður. Hann átti reyndar að vera byrjendatími en varð það ekki og þökk sé sundreynslunni og frekju þá komst stelpan í gegnum þetta en veit ekki hvort hún getur gert nr.2 í skálina á morgun sökum sýru en við sjáum til. Þegar Sara settist á hjólið í geðveikum fíling, svetlana bleitti allt sem blautt gat orðið og vinkona hennar, hún Beyonce, Destiny Child " gellan mín" þvílíkt söng bara fílaði skvísan sig í botn. Henni var litið á hópinn í kringum sig sem virtist vera líka í sama stuðinu en samt sagði einginn neitt, engin hróp eða grúbbu-öskur svona til bæta við stemninguna. Saran auðvitað var að fríka út, enda tíminn geðveikur, tók sig til og kom með nokkur íhaaa og fólk gersamlega missti andlitið!! hvaða píkuskrækir eru þetta í stelpunni??? Heima í Hreyfingu gaf hópurinn alltaf þvílíkt feedback í góðum tímum en danirnir bara sitja og horfa á MIG sem er að reyna peppa upp móralinn!!! sususss
Spurningin er bara 1) getur Sara komið inn íslenskum feedback feeling í danska spinning/eróbikk tíma eða 2) verður hún eins og daninn, köld, stíf, feimin og heft? eða 3)á hún bara að vera hún sjálf og öskra og æpa þegar hún er í fíling burt séð frá öllum augunum sem á hana horfa!

Ég ætla að skjóta á svar 1 og 3 þar sem ég snillingur í að skapa góðan móral en hvort ég geti gert það í dk er e-ð sem ég þarf að komast að!! Kannski þegar Guðmundur kemur í tímana með mér og við þá erum 2 að peppa gætu danirnir kannski hætt að vera svona stífir og bara sleppt sér!! og vera ég sjálf. Það veit það hver heilvita maður að þegar einstaklingur gerir e-a hreyfingu, hvort sem er að teygja sig eða prumpa (allt þar á milli) og bætir við hljóði þá eykst vellíðanin og er ég sannfærð um að fólk fær meira út úr tímanum ef það lætur í sér heyra.. eða hvað? við erum reyndar mjög ólík en allavega get ég ekki teygt mig án þess að hreyfa raddböndin með!

Koma svo!!!

mánudagur, september 08, 2003

 
Vika 37

eða það er númerið á vikunni hjá dönunum og allar dagbækurnar ganga út frá viku 37. Ég er enn þá ekki komin inn í þenna hluta menningar baunans en ég er talsvert betri en ég var í upphafi. Dagbækur eru merkilegt fyrirbæri, en það talsvert áhugavert að velta því fyrirsér hvers vegna í veröldinni höfum við íslendingar ekki tekið þetta upp eftir dönum og fleiri þjóðum líka... en ég er í Danmörku núna og því tala ég um hana!!! Að plana bíóferð eða jólahlaðborð í desember finnst mér alveg stór merkilegt fyrirbæri... Ég held að danin sé skipulegri en íslendingurinn og þarf að skipuleggja svona hluti marga mánuði fram í tímann. Við erum ekki að festa okkur smáatriðum heldur reddum þessu og hinu á síðustu stundu en hérna er það´ekki hægt. Dedline ER dedline í Danmörku...

allavega er ég orðin ein í kotinu fram á fimmtudagskvöld. Bóndinn verður í viku í Rúmeníu þannig að ef e-r hefur verið að spá í að bjóða mér í mat er honum velkomið að gera það í vikunni. Það er ekkert eins leiðinlegt eins og að elda fyrir einn!!!!
Sigga Birna frænka hans Guðmundar kom í gær í heimsókn og við græuðum heimasíðu fyrir hana. Vá hvað það tekur skemmri tíma að gera þetta í annað skiptið meðan mín tók marga daga, það er svona... gott að geta lært af mistökunum!!!

annars er það bara 6 dagar í "komdu sæll og blessaður".... suss hvað verður mikið stuð!!!

sunnudagur, september 07, 2003

 
góð...



You're a Jackie! Classy, intelligent, and adored
by all, you're America's queen!


Are you a Jackie or a Marilyn?
brought to you by Quizilla

fimmtudagur, september 04, 2003

 
Hildur og Ingvi Snær

heldur betur komu okkur á óvart þegar þau voru í bæjarferð í Köben og ákváðu að hafa samband á laugardaginn og borða með okkur. Það var ekkert smá gaman að eyða deginum með þeim en Hildur er ein af sunddrottningunum títtnefndu og Ingvi Snær er húsbóndinn. Við "náðum" í þau ;-) og kíktum aðeins í Stínu enda var baráttudagur fyrir "Verjum Kristjaníu" dagur og fleiri hundurð manna ef ekki þúsundur áttu eftir að leggja leið sína til Stínu þennan ágæta laugardag. Allavega mættum við 4000 manna skrúðgöngu á heimleiðinni úr Stínu og þökkuðum Gvuði fyrir að hafa farið á þeim tíma sem við fórum á ella værum við enn þá föst þarna... Við keyrðum síðan um Köben, sýndum þeim Norrebronx og keyrðum Strandevejen heim svona til að sýna ólík hverfi Kaupmannahafnar. Við endum síðan á að grilla svínhakka sem við Guðmundur áttum eins og okkur var einum lagið en gestirnir voru ekki alveg eins gráðugir enda vissi ég ekki fyrr en eftir á að Hildur kaupir aldrei svínakjöt!! Æji Hildur mín, hefði ég vitað það hefði ég eldað e-ð annað en þið fóruð allavega heim södd...

En kæru vinir, takk fyrir félagskapinn og þið eruð ávallt velkomin í heimsókn til Holte en næst skal ég elda kjúkling... ;-)

 
Vikan

er búin að vera ansi fljót að líða. Skólinn kominn á fullt og hnúturinn í maganum líka. Guðmundur er búin að vera heima alla vikuna gersamlega að drepast úr flensu og háum hita. Hef nú bara aldrei séð manninn svona ónýtan, þegar hann þiggur ekki öl þá er e-ð mikið að!!! ansi góð vísbending um að ekki sé allt með feldu.

Við keyptum miða á Stuðmenn og hanga þeir á ísskápunum enda bíða eigendurnir spenntir eftir að fá að nota þá!!! 13 september og niðurtalning er hafinn.... jess

Svo er það nýjasti fjölskyldumeðlimurinn sem kom eftir langþráða bið. Það er bíll! svört Dimma, eða tík til að koma okkur milli staða. Þvílíkur munur að vera komin á bíl, segi ekki annað. Tímasparnaðurinn er verulegur enda er biðtíminn eftir strætó, lest, lest, strætó oft ansi langur stundum allt að klst. yfir daginn. Allavega er Guðmundur ansi hamingjusamur enda hefur hann ekki verið bíllaus síðan hann fékk bílprófið fyrir 9 árum. Sæll og mér fannst eins og ég hafi náð í mitt í gær!!

Það gengur ekkert með þessar blessuðu myndir og mikið rosalega fer það í taugarnar á mér... enda mikil vinna framundan og tíminn minn á að fara í skólann ekki í að græja myndir!!!

Skólinn rokkar feitar núna þetta haustið en í fyrra. Mikið djövull var hann erfiður sem segir manni að það getur ekkert nema batnað þennan veturinn. Reyndar er ég svo gersamlega andlaus þegar ég kem heim eftir að einbeitingin sé búin að vera 130% að ég get ekki annað en kveikt á Ricky Lake eða dr. Phil til að tæma heilann. Sérstaklega þegar ég sit Forvaltning tímanna eða opinbera stjórnsýslu....díssess maður hvað ég er andlega uppurin. Bekkurinn minn hefur minnkað frekar mikið þar á meðal tíkurnar tvær sem hentu mér út úr fyrstu lesigrúbbunni og þær sem voru sífellt talandi um hvað þær ætluðu að skrifa um í B.A. verkefninu... frekar steikt lið Reyndar er ein pía sem er á svipuðu reki og ég, sama aldri og er ekki í þessum menntaskólafasa eins og hinir krakkarnir eru. Fín stelpa sem ég ætla að hanga á í Stjórnsýslutímunum... svona láta hana skrifa glósur í tölvuna mína og þá getur hún fengið afrit af þeim.

Jæja best að fara koma sér að verki, stjórnsýslan bíður enda er tími í fyrramálið kl. 8:00