Ég er mætt á heim á fróna og ohhjá það er home sweet home. Það er ekkert smá mikið búið að vera gera hjá mér án þess að ég sé með e-r afsakanir er ég búin að undirbúa ásamt fleiri góðum vinkonum síðan á fimmtudaginn, þegar ég kom heim, ekki nema tvær gæsanir og framkvæma þær báðar, fara í eina útskriftarveislu, fara með bílinn í olíuskipti og láta setja undir hann nýtt púst, hitta saumkonu og kaupa mér frelsiskort í símann, númerið nýja er 8664576.. Taka eitt djamm með Siggu, Jóhönnu, Sveinbjörgu sunddrottningum og Svövu stjórnmálafræði vinkonu. Ég á enn eftir að hitta Elínu, taka upp úr töskunum, kaupa brúðkaupsgjöf og vinna í því að gera /#$=#Ö(#/="(/$_"/&, fara á eitt sundmót, synda á hverjum degi og skipuleggja eitt stikki brúðkaup, og fara tvö næstu tvo laugardaga. Ég gat ekki bloggað um gæsafjörið þar sem bæði Ólöf Sara og Hildur sunddrotting gætu lesið síðuna en við tókum ÓS vinkonu í gær og Hildi á laugardaginn. Þetta var ekkert smá skemmtilegt, allavega hlóg ég og skemmti mér vel en vonandi höfðu stelpurnar jafn gaman af þessu og ég. Við vorum rólegar við Hildi en á hún nýfætt barn, Jóhanna flaug með mig, Siggu V og Hildi (vélin var 4sæta) útsýnisflug yfir Rvk og svo fórum við í lautarferð í grasagarðin í Laugardal. Þetta var ljómandi fínt, heldur stutt enda allir á leið í brúðkaup eða útskriftarveislur kl. fimm. Það var rosalega gaman að hitta stelpurnar og spjalla og hlakka ég til laugardagsins en þá verður brúðkaupið og verður það mikið stuð.
þriðjudagur, júní 17, 2003
17. júni 2003
Gleðilegan Þjóðhátíðardag allir landsmenn nær og fær. Ég er búin að jafna mig eftir prófið sem gekk ágætlega en vá hvað það er erfitt að tala fræðimál á erlendu tungumáli... sæll en þetta hafðist. Reyndar sagði kennarinn og prófdómarinn að þetta væri versta hóppróf sem þeir hefðu séð, kom mér svo sem ekkert á óvart enda lærðum við öll í sittihvoru horninu. Framvegis ætla ég ekki að vinna með Kaupmannahafnarrottunni eða Færeyingnum (kannski honum) en ekki við 3 sem hópur. Núna veit ég að ég er fær um að fara ein í munnlegt próf og danskan mín er skiljanleg.
Mútta kom í gær í vinnuferð og verður fram á fimmtudag, ekkert smá notalegt að fá hana í heimsókn. Sitja úti á veröld með hvítvín, góðan mat og í góðum félagskap er bara eitt af því besta sem til er. Hlakka ég ekkert smá til að sitja úti á palli í hjallanum með settinu og spjalla fram eftir kvöldi um heima og geima og borða góðan mat...
Í dag ætlum við Ólöf Sara að fara í létt dekur svona í tilefni þess að við vinkonurnar erum að fara gifta okkur, ég pantaði mér nudd og húðhreinsun en hún fer í andlitssbað, naglamanicure og e-ð fleira... Ég nefnilega borða neglurnar og eftir prófið er lítið eftir af þeim þannig að... aahhh kann nú ekki alveg við það að láta e-a snyrtifræðinga sjá á mér neglurnar... Ég hef nú aldrei farið í svona dekur en hlakka vel til enda orðin frekar stíf í hálsinum af tölvuhangi og lestri. Nuddið verður kærkomið!!! Svo verður maður bara að fara fara fara pakka niður í töskur og ákveða hvað maður á taka með sér heim. Mikið ofboðslega finnst mér það leiðinlegt að pakka niður og sérstaklega að ganga frá því aftur... en núna þýðir ekkert hangs fyrir framan tölvuna enda líður tíminn skuggalega hratt og ég á eftir að gera svo mikið í dag... þvo þvottarvélar, fara í dekur, pakka dótinu niður, finna tækifærisgjafir og ..og ...og
föstudagur, júní 13, 2003
........fór létt með það :o
Föstudagurinn 13...
Sæll ég var ekki búin að fatta þetta... taka próf á föstudeginum 13!!!! og það eru 4 klst. til stefnu. Passa upp á taugarnar og ekki má láta þær hlaupa með mig í gönur. Sara þú getur, þú skalt, þú ætlar að tala í klst og 20 mín um þróun einstaklingshyggju á dönsku. Þú ætlar ekki að láta kaupmannahafnarrottuna tala of hratt og láta kennarann reka þig á gat... Þú verður kúl, ákveðin og Massar þetta eins og hvert annað leikandi létt verkefni í lífinu.
fimmtudagur, júní 12, 2003
24 tímar til stefnu... púff , samt massaði ég hátt í 200 síður á dönsku í gær.... var ekkert smá sátt.. og svo er Gummi kom heim í gærkveldi og ég reyndi að segja honum frá bókinni.. sæll dönskufrasarnir alveg á hreinu og enginn snafs eða bjór. Er nú samt ekki alveg sammála kjósendum síðunar um að ég eigi að mæta í joggaranum m. kaffimugið og kannski sveltönu svitafílu líka!!!
mánudagur, júní 09, 2003
Íslenskt sumarveður
er þokkalega úti núna, rok og rigning, kaldur vindur... notalegt þegar maður er inni að lesa um stofnana strúktúr. Annars er Gummi í Búlgaríu og kemur heim á miðvikudaginn og ég er ein í kotinu sem er svo sem ágætt til að lesa. Lífið mitt sem sé frekar tilbreytingarlaust þessa dagana þar til 13.júni kl. 11:50 en þá mössum við prófið. Ég setti in nýja könnun um hvernig ég ætti að massa munnlegaprófið á föstudaginn og ekki hika við að vera sanngjörn í kosningunni. Prófið verður eflaust ekkert vandamál þar sem þekkingin er til staðar...það er aðalega tjáningin sem ég hef áhyggjur af og að Kaupmannahafnarrottan verði ekki hlutlaus í málflutningi þar sem hann gersamlega blandar öllu saman við Marxisma, skil ekki hvernig hann fer að því en hann gerir það samt. Stundum fer hann alveg hrikalega í taugarnar á mér, þar sem hann hlustar ekki á mótrök heldur veður yfir mann með Marxisma sem bara ég skil stundum ekki og röksemdarfærslan hans bara út úr kú og korti. ...aftur í bækurnar og gleðilega Hvítasunnuhelgi
þriðjudagur, júní 03, 2003
Heim í heiðardalinn
Var að panta hjá express heimferð 19.júni og lending áætluð 14:15. Vill e-r koma og sækja mig :( Var einmitt svo heppinn að fá ódýrasta fargjaldið eða 697dkk + skattur =855dkk var ég búin að tala um hversu heitt ég ....ELSKA SAMKEPPNINA !!!
Nýjar myndir voru settar inn fyrir helgi svona á meðan ég man...
Helgardrykkja
Þegar ég sest fyrir framan tölvuna og les moggann og vísi á mánudagsmorgnum er ekkert sem stendur að viti í þessum annars ágætu miðlum nema helgarfylleríssögur af Íslendingum. Hvað er málið... ??? getur fólk ekki skemmt sér með áfengi (og tala ég ekki um án áfengis þar sem felstar af helgarfylleríssögunum gerast vegna áfengis- eða fíkniefnaneyslu. Ef fólk getur ekki drukkið í hófi, (kannski erfitt að dópa í hófi en) allavega halda sér á réttu meginn við línuna þá á það ekkert að drekka... punktur. Að lesa fréttir helgarinnar... bara bara bara á ekki til orð, tómar barsmíðar, hnífstungur, hópslagsmál. Skil þetta ekki... ber fólk ekki virðingu fyrir sínum eigin líkama og líkömun annarra ég bara spyr... talandi um að eiga það á hættu að lenda á hrauninu fyrir manndráp af gáleysi eða ákæru fyrir líkamsáras... Eru Íslendingar, bæði karlar og konur, í vandræðum með að stjórna skapi sínu og bara láta t.d. reiðina, áfengið, dópið, ex-félagann eða rasistann taka stjórn á skrokknum sínum og láta næsta einstakling finna fyrir því... Ætli sá maður sé frjáls ef hann lætur aðra ákveðna þætti stjórna lífi sínu... en ég veit allavega að Hannes Hólmsteinn, einn af lærimeisturum mínum, sagði eitt sinni í tíma: Ef t.d. áfengi er farið að stjórna lífi einstaklings er hann ekki frjáls maður, heldur þræll vínsins. Mér finnst allavega að þeir sem ekki þola áfengi þannig að þeir gera e-a heimskulega hluti sem síðar getur haft afdrifarríkar afleiðingar á líf hans, líf fórnarlambsins, fjölskyldur þeirra jafnvel samfélagið allt þar sem t.d. félaginn er lokaður á hrauninu, þarf samfélagið að borga brúsann, félaginn verður af tekjum sem ella hefðu komist út í hagkerfið... sem sé löng keðjuverkun sem hægt er að komast hjá ef fólk hugsar aðeins...
Jæja nóg með predikun dagsins, vonandi misskilur fólk mig ekki og telur mig vera Gunnar í krossinum en mér blöskraði samt lesning netmiðlana í gær...
mánudagur, júní 02, 2003
Massa massa massa
Þá er það komið á hreint.. munnlegaprófið okkar þriggja, Íslendingsins, Færeyingsins og kaupmannahafnarrottunnar verður 13. júni, kl.11:50... Ég hélt nú reyndar að ég yrði óheppinn þar sem tíminn til prófsins var 13-20 júni og við fengjum úthlutað 20, kl. 15:30 en neinei bara 13. fyrir hádegi... shit.. En mér er ekki til setunnar boðið, bara massa þetta, spíta í lofanna og klára að frumlesa efnið :o ....eins gott að settið lesi þetta ekki!!!
Lofa ekki miklu bloggi næstu 10 daganna eða svo... og þið hin sem hafið EKKI tilkynnt ykkur eru 6 dagar til stefnu...dagsetningin er 8. júni (takið það til sín sem eiga)
