OK ef e-r er að hugsa um að koma til Danmerkur, þá mæli ég með því að sá sami geri það NÚNA um helgina... veðurspáin er geðveik fram yfir helgi... 20-25 gráður, heiðskírt og lítill vindur... Ég ætla að lesa úti í dag... í bara 25 gráðum kl. 1300 og glampandi sól!!! öööö er e-r abbó núna... híhí
Hún á afmæli í dag.... hún á afmæli í dag, hún á afmæli hún Olga .... Hún á afmæli í dag... veiveivei..
Elsku gússímús, til hamingju með 12 ára afmælið í dag. Ég vildi að ég gæti komið í veislu í Lækjarhjalla í dag en það verðu ekki í þetta skipti. ;-( Vonadi verður daguinn ánægjulegur og við verðum með hugann hjá þér...
saknkveðjur úr Holte, Sara og Gummi
þriðjudagur, maí 27, 2003
Lausnin fundin!!!
Steinar vinur minn er nú pínu klikk stundum, sérstaklega þegar hann hjólar 75km eða tekur þátt í keppnum sem eru sickoviko keppnir (oft ekki alltaf) eða drekkur kassa af bjór... sem sé ef Steinar tekur sér e-ð fyrir hendur þá klárar hann það með stæl, sama hvað það kostar..... Á blogginu hans kemur hann með þessa snildar evróvision takta og semur líka þetta flotta lag... Steinar ég held að lausnin sé fundin!!! Þú bara tekur þátt í keppninni að ári og ef ég þekki þig rétt, þá er ekkert annað en sigur sem kemur til greina... ;-)
Brjáluð helgi
Evróvisionhátíðin liðin, og bækurnar lesast víst ekki af sjálfu sér... Annars fannst mér evróvision vægast sagt frábært show, og er ég rosalega sátt við vinningslagið. Hins vegar skil ég ekki innkomu Belga, Pólverja og Austurríkismanna...sæll hvaðan kom þau???.. Helvítis pólitík alltaf í þessari stigagjöf segi nú ekki annað þess vegna kom mér á óvart að Ísland fekk 8 stig frá Tyrkjum og 12 frá Möltu, en Bretar, Svíjar og Spánverjar alltaf að spara stigin helvískir... Á vísi.is er spurt hvort menn væru sáttir við sigurlagið, meirihlutinn segir NEI. Ég fór að hugsa um þessar niðurstöður og vissulega eru þær ekki alveg marktækar en geta gefið smá vísbendingu um sýn okkar Íslendinga á þessu annars ágæta lagi. Ástæðan er sú að Íslensktónlistarstefna er svo vesturevrópsk og amerísk að önnur svæði komast ekki að. Kannski ef tyrknesk menning, (matur, fólk og tónlist) væri sterkari á Íslandi eins og hún er hérna í Danmörku væri viðhorfið til þessa sigurlags annað... Ísland er nú pínu einangrað og held ég að þetta skýri viðhorf til sigurlagsins. allavega...
Við grilluðum með sundvinkonu minni og foreldrum hennar, og mössuðum þessa söngvakeppni. Eftir að þau fóru heim, héldum við Gummi niður í bæ, með Nonna nágranna, og Íslenskum vini hans... pöbbarölt í Köben er e-ð sem ég hef ekki mikið gert af en ... gaman varð það. Staðirnir sem við fórum á voru talsvert ólíkir, allt frá uppastaði dauðans þar sem gin og tónic var dýrari en heima á Íslandi og hefði ég getað keypt pela í nettó fyrir %$#"%%%#"=($#" glasið sem ég pantaði, fyrir utan var tónicið goslaust...Sara neytandi var ekki alveg að fíla þetta en ákvað samt ekki að nölla.. Við duttum inn í salzabar þar sem Mjög ungir krakkar voru á djamminu, sæll og enginn dyravörður og liðið bara svo kornungt. Þá komum við að áfengismenningu Dana eða eigum við að kalla það áfengispólitík... Aðgengi krakka, 12-13 ára að víni er staðreynd hérna í Dk og að sjá þau rogast með bjórkassana úr Nettó á föstudögum finnst mér rosalegt... Þrátt fyrir að ég sé fylgjandi sölu léttvíns og bjórs í matvörubúðum þar línan að vera dregin einhverstaðar og 15 ára aldurstakmark finnst mér vera of ungt...
Síðasti staðurinn var fyrir Færeyjinga, Grænlendinga og Íslendinga og var valin af Nonna nágranna. Klukkan var langt gengin í 5 og viðskiptavinir staðarinns frekar framlágir enda búnir að djamma lengi en dj-rokkaði feiitttt... þegar hann setti ICE ICE BABY... með vanilla ice komst undirrituð í þessa líka rífandi stemningu sem hafði verið talsverð til þessa... Nokkuð drykkjumannslegur staður, allavega dj-inn góður en ég veit ekki hvort ég hefði labbað inn sjálf en ICE ICE BABY fær mig til að kíkja á staðinn aftur.. Á heimleið fengum við okkur Macdónalds borgara... tveir ónefndir herramen pissuðu í sittihvort hálfslitra glasið (úti í horni þar sem enginn sá) til að mæla hversu mikið magn af hlandi þeir voru að skila... og ég spyr: HVAR VAR MYNDAVÉLIN ÞÁ???? hélt að ég yrði ekki eldri þar sem vinningshafinn gersamlega meig heilum liter af vökva... ekki furða að Þinni þunnni mætti daginn eftir :o En teymið fór heim í taxa og nánst beint í koju þokkalega sátt eftir annars frábært kvöld, sólin var komin upp og fuglarnir sungu er við tvö duttum út...
Á heimasíðu RUV er Evróvisionleggur og þar finnur maður líka dagbók sem þeir félagar Logi og Gísli Marteinn halda. Stórskemmtilegt fyrir aðdáendur en mér finnst þér félagar ættu að setja upp kommentakerfi svo við hinn getum tjáð okkur um innihald dagbókarinnar. Mér til mikillar mæðu, þá mundi ég eftir því um daginn að danir eru ekki með og hvað á ég að gera..... ég sem ætlaði að kjósa Ísland eins og flestir Íslendingar í Danmörku.. Ég gæti prufað að hringja inn í sænskakerfið bara setja 46 og nr. inn en veit ekki hvort það gengur... hvað á ég að gera.. fara til Svíþjóðar til að kjósa... hugmyndir óskast!!!
Annars er ég búin að renna yfir öll aftur lögin, mér finnst Spánn/evróteknó, Svíþjóð/abbasveifla, Russland/tatúskvísurnar, Slavarnir/sækir á, Tyrkland/magasveifla standa upp úr eftir annað rennsli. Slavarnir er að vinna mig á sitt band eins og Tatúskvísurnar, Malta og Þýskaland... en ég verð að hlusta betur á þetta. Eistar eru líka góðir en það lag getur aldrei unnið en engu að síður er lagið ágætt.
Hvar eru allir Evróvision aðdáendurnir á Íslandi í dag???
þriðjudagur, maí 20, 2003
eða próflesturinn... humm
I am 50% Internet Addict I am pretty addicted, but there is hope. I think I'm just well connected to the internet and technology, but it's really a start of a drug-like addiction. I must act now! Unplug this computer!
Ekki alveg í lagi núna, held að það sé rigningin... I am 39% Evil Genius I want to be evil. I do evil things. But given the opportunity, and a darn good reason I may turn to the good side. Besides I am probably a miserable evil genius.
Hérna eru lögin bæði í hljóði og myndformi sem hægt er að skoða .... ómissandi fyrir Evróvision aðdáendur. Á eftir að skoða öll lögin aftur en þau sem standa upp úr eftir fyrsta renneri eru frá Svíþjóð, Spáni, Eistlandi og svo auðvitað frá Íslandi.
Viský, bakaðar kartöflur og arfi....
Jæja þá eru bækurnar komnar upp á borð aftur eftir afmælisveisluhöld helgarinnar. Á föstudaginn var frídagur þar sem Stóri bænadagurinn var, veit ég nú ekki sögu hans en fríið var afmælisbarninu kærkomið. Við héldum matarveislu fyrir 10 manns þar sem liðið sat, skrjáfaði, át og drakk fram eftir nóttu. Þetta var frábært kvöld, enda skemmtilegt fólk í heimsókn... nágrannar okkar hérna í Skovlyporten, Ólöf Sara vinkona og co. og Hildur sundvinkona. Dagurinn var sumum erfiður framan af...úrrættist þegar á leið, grunar að Viský - flaskan sem kom í pakka frá nágrönnum okkar í Portinu, hafi gert strik í reikninginn. Ég hélt mig bara við ginogtonic með límonutvisti og ís... ekkert smá gott að kreista límónu yfir. Þetta verður drikkur sumarsins alveg pottþétt :) Á laugardaginn fengum við Guðmundur mjög mikilvægt verkefni en það var að baka kartöflur fyrir 70 manna brúðkaup nágranna okkar. Ég fekk blað sem á voru leiðbeiningar um hvernig ég átti að baka kartöflunar en svona hljómaði það:
Hej Sara Ovnen skal være forvarmet til 180 grader. Kun 1. plade kartofler af gangen! 1. plade skal stå i ovnen i 2 timer ved 180 grader. Tænd ovn kl. 11:30 1. plade bager 1200-1400 2. plade bager 1400-1600 3. plade bager 1400-1800 Vi skal spise klokken 1900
Ég auðvitað svaf yfir mig og fyrsta platan fór í kaldan ofnin 12:15 og svo varð inni til 14:30 vegna þess að mamma hringdi. Við hækkuðum hitann til að spýta hraða enda hálftíma of sein... sæll geðveikt stress í gangi í síðustu plötunni þar sem ofnskúffan tók svo mikinn hita í sig og voru kartöflurnar enn hrár.... en þetta reddaðist og við fórum með kartöflurnar í fælleshúsið korter í sjö en þá voru 2 gestir úr brúðkaupinu búnir að banka upp á og rukka um kartöflurnar. Síminn hringdi frá Íslandi rúmlega 6 og ákveð ég að nýta tímann í að hafa 3. plötunna lengur inni... matur kl. 1900 hvað er fólk að stressa sig.. en þær heppnuðust það vel, að í gær fengum við Gummi snakkpoka, rauðvínsflöskur, sneið að bryllup-tertunni .... sem sé slóum í gegn hjá grönnunum!!!
Á laugardagskvöldið kom frænka hans Guðmundar, Sigríður Birna og kærastinn hennar Bo, í grill. Þau flúðu hús þar sem húsráðendur voru heldur fámælir enda dottandi í sófanum yfir engu og síðan fluttu sig yfir í rúmið um þrjúleitið en þá voru þau búin að sofa í 3 tíma... Sara morgunhani vaknaði snemma á sunnudagsmorgninum enda úti var þetta dýrindi veður, glampandi sól og steikjandi hiti. Arfinn í kringum sólblómin mín var skotmarkið sem hvarf hægt og bítandi. Múlan var á inni og Gummi stökk á milli garðsins og tv eins og gormur enda svaka múla í gangi. Nonni nágranni og Alam buðu okkur síðan í grillaðar pylsur ekki veit ég hvort það voru pylsurnar eða hvað, en á skall þessi svaðlega rigning og ekkert varð úr því að arfinn varð reyttur... ekki þennan sunnudaginn.
föstudagur, maí 16, 2003
Hann á afmæli í dag hann á afmæli í dag hann á afmæli í dag hann Guðmundur hann á afmæli í dag... veiveivei
Til hamingu með afmælið í dag Gummi minn, njóttu dagsins vel ;-)
mánudagur, maí 12, 2003
Halldór segir Morgunblaðinu í dag
Alltaf sóst eftir að leiða stjórn
"ÉG hef alltaf sóst eftir því að leiða ríkisstjórn og að Framsóknarflokkurinn nái afli til þess. Það er eins núna," segir Halldór Ásgrímsson, formaður Framsóknarflokksins. Skv. upplýsingum Morgunblaðsins er talsverður þrýstingur á það innan flokksins að Halldór geri kröfu um forsætisráðuneytið sér til handa í viðræðunum við Sjálfstæðisflokkinn. "Við höfum ekki hafið neinar umræður um þetta en þetta er eitt af því sem flokkarnir munu ræða í þeim viðræðum sem framundan eru. Í mínum huga eru málefnin aðalatriði og sá vilji okkar að halda áfram að byggja upp blómlegt atvinnulíf og öflugt velferðarkerfi."
Nú spyr ég: Hvernig á að halda uppi öflugu velferðakerfi ef B og D ætla halda áfram í stjórnarsamstarfi í ljósi 30 milljarða skattalækkanna sem D lofaði kjösendum sínum? Einhverstaðar þarf að taka þessa peninga... Nýir þingmenn D-lista eins og Sigurður Kári eru gall harðir hægri menn og vilja takmarka velferðaríkið eins mikið og mögulegt er á meðan þingmenn detta út af þingi fyrir D-listann sem hafa lagt áherslu á velferðamál eins t.d. Ásta Möller.
Hvernig ætli þeir félagar vinni að þessu samstarfi og hver ætli málamiðlunin milli þeirra verði í ljósi þess að báðir þurfa að setja í framkvæmd kosningaloforð sín-tryggja velferðakerfið og lækka skatta um 30 milljarða?
sunnudagur, maí 11, 2003
Spennandi kosninganótt yfirstaðin
Jæja... þá eru öll atkvæði komin upp úr kjörkössunum og langar mig að taka saman það sem kom mér mest á óvart þessa ágætu kosninganótt.
1. Ég hélt virkilega að stjórnin myndi falla...þess vegna kemur niðurstaðan á óvart.
2. Fyrir utan að stjórnin hélt velli þá kom mér verulega á óvart var hvernig Framsókn náði að halda kjörfylgi sínu og þá sérstaklega í Reykjarvík. Ég hafði spáð Framsókn verulegu tapi í ljósi kjördæmaskipunarinnar en þeir voru harðir á endasprettinum. Þar sem ég hafði gert ráð fyrir tapi Framsóknar, þá miðast spá mín við verulegt tap Framsóknar og kemur mér því þessi niðurstaðaverulega á óvart. En burst séð frá því þá er ég verulega ánægð með kjörfylgi Dagnýjar Jónsdóttur þar sem hún á eftir að standa vörð um hagsmuni námsmanna og ungs fólks í landinu.
3. Ekki átti ég von á því að Sjálfstæðisflokkurinn myndi detta undir 35% fylgi í annað skipti í stjórnmálasögu Íslendinga sem er vissulega sögulegt og á eftir að vera skráð í bækurnar og kennt í HÍ. Ekki átti ég heldur von á því að Össur myndi koma inn sem fyrsti þingmaður í Reykjavík Norður og forsætisráðherra inn sem annar þingmaður. Þrátt fyrir að D hafi fengið 9 þingmenn í RVK og Samfylking 8 þingmenn tel ég þetta vera persónulegt áfall fyrir forsætisráðherra í ljósi þess að D-listinn hefur ætið haft yfirburði í Reykjavík. Þær röksemdir manna um að D hafi tapað 7% fylgi vegna klofningsframboða kaupi ég ekki. Ég tel ástæðuna vera að D-listinn er búin að sitja lengi við völd og landsmenn hafi verið orðnir þreyttir á Sjálfstæðisflokknum og að frjálshyggjan leysi öll vandamál samfélagsins. Einnig hef ég heimildir fyrir því að margar ungar sjálfstæðiskonur hefðu hafnað flokknum sökum þess að flokkurinn hafnaði frambærilegum konum í prófkjörinu sl. haust og gæti það einnig verið skýring á þessum 7% sem flokkurinn tapaði.
4. 30% múrinn sem Samfylkingin rauf er vissulega sögulegur enda var það síðast árið 1934 ( að mig minnir) þar sem tveir flokkar voru það stórir að myndun á annari tveggja flokka stjórn var möguleiki. Fylgisaukning Samfylkingarinnar á landsvísu tel ég megi skýrast af kosningakerfinu annars vegar og öflugu flokkstarfi hins vegar. Það kom mér ekki á óvart að ISG hafi ekki komist inn á þing, ég átti vægast sagt ekki von á því og því kom mér það ekki á óvart.
5. Ég bjóst við að F myndi ná inn 5 þingmanni á kosnað B eða D en þeir geta vel við unað þar sem þeir tvöfölduðu þingflokkinn. Þetta er vissulega sögulegt líka þar sem þetta er í annað skipti í stjórnmálaslögunni, að nýr flokkur bæti við sig mönnum í öðrum kosningum en hið fyrsta var Kvennalistinn árið 1987. Síðan er spurning hvor F detti út af þingi í næstu kosningum eins og varð raunin hjá Kvennalistanum. Þeir geta styrkt stöðu sína með því að hafa fleiri hitamál á dagskrá og ef þeir ætla að vaxa og ná sessi í Íslensku flokkakerfi, þá verða þeir að hafa fleiri stefnumál sem aðal - baráttumál en kvótamálið.
Það verður spennandi að sjá hvernig stjórnarviðræður þróast í næstu viku. Ég tel líklegt að stjórnin haldi áfram að vinna saman en ég tel að Framsókn sé í lykilstöðu gagnvart D-listanum, og hver veit nema að Halldór geri kröfu á forsætisráðherrastólinn... hvað verður um Davíð þá? verður hann sendiherra eða hættir einfaldleg í stjórnmálum?Eða stefnir Davíð á Bessastaði??? það er nú ár í næstu forsetakosningar...Ætli Halldór sé ánægður með núverandi embætti sitt og vilji halda því en stöðu sinnar vegna gerir hann kröfu á fleiri ráðuneyti en flokkurinn nú þegar hefur? og svo í lokin... RUV takk fyrir frábæra útsendingu á netinu sem tengd var við sjónvarpið okkar og klikkaði ekki... en ég hefði viljað sjá Sérfræðinginn koma með fleiri kosningasögur ...
laugardagur, maí 10, 2003
Koma svo RUV
Jæja þá erum við hjónaleysin búin að planta okkur fyrir framan sjónvarpið að horfa á Gísla Martein og í loftinu er Denni og Ómar Ragnas... Gash hvað ég elska tæknina... LUV IT eins gott að hvorki RUV-netið -né innra net Skovlyporten klikki því þá verð ég fyrst fúl... alveg brjáluð vægast sagt enda hef ég ekki aðgang stuttbylgu útvarpi og ekki næ ég Rás 1 á langbylgju... þannig að KOMA SVO
en þið hin.. góða skemmtun í kvöld
fimmtudagur, maí 08, 2003
Einn klassískur í tilefni kosninganna
Nonni litli var aðeins farinn að velta fyrir sér lífinu og tilverunni og einn daginn fór hann til pabba síns og spurði hann: "Hvað eru stjórnmál?" Pabbi hans svaraði: "Jú sjáðu til, það er kannski best að ég útskýri það á þennan hátt: Ég vinn fyrir fjölskyldunni og þess vegna skulum við kalla mig Auðmagnið. Mamma þín stýrir heimilinu og ræður útgjöldunum og þess vegna skulum við kalla hana Stjórnvöld. Við erum til þess að sinna þörfum þínum svo við skulum kalla þig Fólkið. Við getum síðan haldið áfram og kallað barnfóstruna Öreiga. Litla bróður þinn skulum við kalla Framtíðina. Farðu nú og veltu þessu fyrir þér og athugaðu hvort þetta kemur ekki heim og saman. þannig að Nonni litli fór í háttinn og hugsaði stöðugt um það sem pabbi hans sagði honum.
Um nóttina vaknar hann upp við grátinn í bróður sínum. þegar hann kemur inn í herbergi hans finnur hann fljótt að bleian hans er blaut og mikil fýla af henni. Hann fer inn í svefnherbergi foreldra sinna og finnur mömmu sína sofandi. þá fer hann að herbergi barnfóstrunnar og finnur að hurðin er læst. Hann kíkir inn um skráargatið og sér föður sinn í rúminu með barnfóstrunni.
Að lokum gafst Nonni litli upp og fór aftur í herbergi sitt og sofnaði. Næsta morgun segir hann við föður sinn. "Pabbi, ég held núna að ég skilji hvað stjórnmál ganga út á." Gott segir faðirinn, segðu okkur frá því. þá sagði Nonni litli: " Jú sjáðu til, á meðan Auðmagnið riðlast á Öreigunum er Ríkisstjórnin steinsofandi. Fólkið er hundsað og Framtíðin er í djúpum skít...
Í forsælu eru 19 gráður og í sólinni slefar væntanlega í 25-28 gráður.... Habermans er ekki að gera sig
Guðmundur Axel
er núna endanlega búin að tapa sér... Hann er búin að vera á námskeiðið sl. 2 daga með 5 þýskumælandi einstaklingum reyndar ekki allt þjóðverjar, heldur er austurískismaður og hvort ef svisslendingur sé með líka... allavega Maðurinn minn kom heim í gærkveldi og svoleiðis reytti af sér þýskufrasana þannig ég hélt að ég yrði ekki eldri. Kveikjan af þýskuáhuganum kveiknaði reyndar þegar litla systir hans fór í þýskupróf fyrir stuttu og var að spyrja mig og Gumma um e-r orð og setningar. Ég tapaði mér af hlátri þegar Gummi var að leiðbeina litlu sys í gegnum þýska málfræði, ich habe sauernkrauten in meinen lebenhausen...vall út úr Gumma, fyllerísfrasi sem Siggi skrarpi í Noregi kannast vel við og fleiri góðir félagar okkar .... beint ekki málfræði. Þýska var ekki okkar sterkasta grein í menntaskóla en við náðum, kannski ekki með glans, en hver veit nema við endum með að flytja til Þýskalands og lærum þýsku fyrir fullt og allt... Batnandi manni er best að lifa :-)
miðvikudagur, maí 07, 2003
Bloggerinn
ekki alveg að gera sig en kemur inn á endanum en þangað til ætla ég að gera mér pressukaffi og lesa um afleiðingar nútímans á samfélagið okkar... enda er vika til stefnu í synopxin. Reyndar ætla ég að hitta Færeyinginn og Kaupmannahafnarrottuna í dag og við ætlum að byrja skrifa hann, en veit ekki alveg hvernig það á eftir að ganga þar sem engin af okkur er búin að lesa allt lesefnið... Hlakka ekki beint til að vera lokuð inn í herbergi Færeyingsins með pakka af sígarettureyk yfir mér og tómum pizzakössum út um allt...
þriðjudagur, maí 06, 2003
Ekki byrjar dagurinn vel...... arggg
Ég gleymdi að setja vatn í expressó könnuna mína og bræddi helv.... þéttihringinn og nú er kannan ónýt!!!!! Íbúðin lyktar af brenndu gúmmíi og ekki er hægt að skafa restina af ... þarf að henda öllu draslinu og... það tekur langan tíma að "kaffa" til nýja könnu, allavega 6 mánuði.
mánudagur, maí 05, 2003
Sól og hiti í dag
18-23 gráður, sól og hiti segir veðurspáin í dag. Hvers á ég að gjalda og hvar verður minn dagur... jíbbíii ...inni við bækurnar.
fimmtudagur, maí 01, 2003
Kjósa hvað
Stjórnmálafræðingurinn var í bestun eins og Margrét Vilborg vinkona er fá sér doktorsgráðu í, en mín bestun er kosningaeðlis á meðan Magga bestar fiska á færibandi. (hhahah ) Mikið hefur verið talað um skattamál í liðinni viku og þá stendur upp gagnrýni B á D að D geti ekki veit 30 milljarða svigrúm til skattalækkana þar sem B gat bara lofað 19 og síðan deilir S upphæðinni með 2, minnir mig að ég hafi e-r staðar lesið á miðlum netsins í liðinni viku. Hvar er F hugsaði ég, humm... fór á heimasíðuna þeirra og þurfti að leita .... já ekki alveg nægjanlega skýrt þannig að ég sendi þeim tölvupóst og fekk svar. Nokkuð ánægð með þjónustuna og bréfið sem Margrét Sverrisdóttir sendi mér og er það hérna að neðan.
Þar sem ég fékk skjót svör og Margrét sjálf svaraði mér þá læt ég fylgja kosningaáróðurbréfið sem fylgdi með... svona fyrir vinnuna sem hún lagði í að svara mér 1.Mig langar að vita, hver sé stefna ykkar í skattamálum Mér finnst hún ekki nægilega skýr á síðunni ykkar og það væri mjög gott að fá e-ð inn þar sem skattaumræðan hefur verið mikil heima sl. vikur bæði hjá D, S og B en þið hafið ekki verið eins sýnileg. Einnig mættu myndir vera af frambjóðendum á netinu sérstaklega fyrir þá sem búa erlendis ;-)
Sæl
það er rétt ábending með myndir af frambjóðendum, þær birtast allra næstu daga. Stefna okkar í skattamálum er mjög skýr, mikilvægast er að hækka persónuafsláttinn um 10.000 krónur á mánuði úr 26.000 í 36.000 því það er langmesta kjarabótin fyrir þá sem hafa lægst laun.
Hver er stefna ykkar varðandi tekjuskatt, á hann að lækka, hækka, standa í stað? Á að fjölga skattþrepum eða ekki? Ef á að lækka t.d. tekjuskatt hvar ætlið þið að fá fjármagn inn í velferðakerfið?
Ég vil ítreka að aðalmálið varðandi skatta er að hækka persónuafsláttinn, hann hefur ekki fylgt launaþróun. Hér eru aðaláherslur okkar varðandi skattamál: ·Frjálslyndi flokkurinn stefnir að því að fella niður eignaskatt af íbúðahúsnæði. ·Einfalt og gegnsætt skattkerfi þar sem komið er í veg fyrir skattpíningu barnafjölskyldna og lágtekjufólks. ·Tekjutenging barnabóta verði afnumin og hugað að útfærslu á persónuafslætti fyrir hvert barn. ·Afnám verðtryggingar af húsnæðislánum.
2. Kvótakerfið er ykkur hugleikið og þið viljið breytingu. Á hvað löngum tíma hafið þið hugsað ykkur að taka þessar breytingar í gegn? 5-10 15 árum?
Við teljum nauðsynlegt að fara milli kerfa á ca. 5 árum, ef það er gert hægar þá festist núverandi kerfi enn betur í sessi.
3. Hvar er námsmenn inni í stefnu ykkar, sbr. leikskóla, greiðslu námslána og húsnæðismál?
Okkur finnst ósanngjarnt að það skuli ekki vera tekið tillit til þess að námsmenn eru oftast að kaupa húsnæði, greiða námslán og koma upp börnum, allt á sama tíma. Hér á eftir fara hugmyndir okkar sem ég sendi SÍNE um breytingu á námslánum: Frjálslyndi flokkurinn: Endurgreiðslubyrðin verði lækkuð. Frjálslyndi flokkurinn vill afnema verðtryggingu námslána.
Hvernig: Æskilegt að ríkisstjórnin skipi nefnd sem vinni tillögur til að létta greiðslubyrði.
Hvenær: Fljótlega eftir að ný stjórn tekur við völdum.
Ég leyfi mér að senda ykkur fylgiskjal með nokkrum góðum ástæðum fyrir því að kjósa Frjálslynda flokkinn og vona sannarlega að þið gefið okkur ykkar atkvæði í þetta sinn en ef við stöndum okkur ekki vel þá eigum við það ekki skilið eftir 4 ár.
Með bestu kveðju, Margrét Sverrisdóttir framkvæmdastjóri Frjálslynda flokksins.
Nokkrar góðar ástæður fyrir því að kjósa Frjálslynda flokkinn
Frjálslyndi flokkurinn skilgreinir sig þannig að hann sé hægra megin við miðju í íslenskri pólitík vegna þess að við styðjum einkaframtak og frjálst markaðskerfi.
Hins vegar segja andstæðingar oft að við séum vinstrisinnuð vegna þess að við höfum lagt svo ríka áherslu á að bæta hag þeirra sem erfiðast eiga uppdráttar í samfélaginu, þ.e. fátækir, öryrkjar og eldra fólk. Og ef það heitir að vera vinstri sinnaður að vilja bæta hag þeirra, þá viljum við alveg vera það! Við höfum stutt öll mál sem við teljum að komi þessum hópum til góða, hvaða flokkar sem hafa lagt þau fram.
Við höfum skýra stefnu í öllum málaflokkum, gott væri að lesendur færu inn á heimasíðu flokksins www.xf.is og leituðu að STEFNA og þar undir Málefnaskrá, þar eru allir málaflokkar og stefna okkar varðandi þá.
Við erum eini flokkurinn sem hefur frá upphafi barist af hörku gegn því sem við köllum gjarnan mesta óréttlæti Íslandssögunnar, kvótakerfinu, vegna áhrifa þess á byggðir landsins og við höfum komið með skýrar og raunhæfar tillögur um breytingar.
Í skattamálum viljum við laga það sem brýnast er að laga, þ.e. lagfæra jaðarskatta og tekjutengingar sem eru að sliga þá sem lægst launin hafa og jafnframt hækka persónuafslátt því það kemur þeim lægstlaunuðu best.
Við leggjumst eindregið gegn allri sérhagsmunagæslu og viljum sporna gegn þeirri tilhneigingu sem hefur vaxið mjög hjá Sjálfstæðisflokki að vilja draga úr allri samfélagsþjónustu sem kostur er. Þetta hefur sýnt sig í umræðum um að taka upp skólagjöld, hefur sýnt sig í hækkun komugjalda í heilsugæslu, hækkun lyfjakostnaðar o.sfrv.
Við mótmæltum harðlega á þingi ábyrgð upp á 20 þúsund milljónir (20 milljarða) sem ríkisstjórnin ætlar að veita einkafyrirtækinu deCode.
Við mótmæltum líka harðlega þátttöku Íslands í hernaðinum gegn Írak vegna þess að það hafði alltaf legið ljóst fyrir að Íslendingar ætluðu ekki að fara með vopnaburði gegn öðrum þjóðum.
Umhverfismál eru okkur hugleikin. Við erum ekki á móti öllum virkjunum, en viljum að stóriðja sé aukabúgrein í landinu. Aðalatriði okkar stefnu er að nýta náttúruna án þess að eyðileggja hana. Þess vegna teljum við hentugt að virkja jarðvarmann betur, sbr. Nesjavallavirkjun - búnaðurinn við hana er allur afturkræfur þannig að náttúruspjöll verða lágmörkuð.
Við lítum á okkur sem Evrópuþjóð en erum ekki hlynnt inngöngu í ESB ef við fáum ekki að halda fullum yfirráðum yfir okkar fiskimiðum. Okkur finnst ekkert liggja á að kanna með aðild, viljum sjá fyrst hver þróunin verður með þau 10 lönd sem eru nýgengin inn.
Við erum með mikið af öflugu hugsjónafólki á okkar framboðslistum.
Þetta eru bara nokkrar góðar ástæður fyrir því að kjósa Frjálslynda flokkinn – það mælir miklu fleira með því! Skoðið www.xf.is
Á síðustu stundu
Ég held að við Guðmundur æltum aldrei að læra af reynslunni hvað varðar tímasetningar og dagsetningar. Í fyrrakvöld mundum við eftir dönsku skattskýrslunni sem átti að að skila fyrir 1. maí. Við ekki alveg með skattamálið á hreinu og eftir smá umræðu ákvað Guðmundur að taka skýrsluna með til vinnu og fá hjálp og kom í ljós að við vorum að gera þetta of flókið. Skýrslan blessaðist.
Ég uppgötvaði, mér til skelfingar í gærdag, að síðasti dagurinn til að skila inn bréfi með undirskrift skólans, um að ég væri nemandi og hefði náð prófum, væri í dag. Ef bréfinu væri ekki skilaði inn þá yrði okkur hent útaf kolleginu. Ekkert flóknara. Viti menn, nú voru góð ráð dýr. Íslenska leiðin, að bera sig illa, eða segjast ekki hafa fengið bréfið, eða verið veikur eða bara ALLAR afsakanir virka ekki í Danmörku. Þarna eru danir ekki ligeglad, heldur mjög mjög stífir. Það var ákveðið í snatri að slá 2 flugur í einu höggi, fara og kjósa niðri sendiráði og skila þessum skólastaðfestinarpappir. Guðmundur hjólaði eins og berserkur heim úr vinnunni kl.14:00, ég í skólann fekk stimpil, við í lestina aftur, út á Vesterport, inn með bréfið á Danmarksungdomsboliger og það var lokað. NEI SHIT.... sagði ég við Guðmund. Við dingluðum enda lokaði kl. 15:00, fyrir 20 mín og það hlýtur að vera e-r inni... viti menn svaraði ekki þessi yndislega kona og tók hún við skólastaðfestingarpappírnum. Okkur var borgið. Næst skunduðum við niður í sendiráð sem fannst eftir smá rölt og sögðumst vilja kjósa. Eftir nokkar undirskriftir af nafninu okkar fengum við atkvæðið í 2 lögum af umslögum og það er í töskunni minni. Hver býður í tvö atkvæði... nokkuð dýrmæt skal ég segja ykkur ;-). Verst að okkur var ekki boðið upp á kaffi eins og Margrét vinkona fekk hérna um árið í Mosku. Kannski vegna þess að fleiri íslendingar sækja sendiráðið í DK oftar en það í Mosku. Samt var þetta nokkuð merkileg bygging þar sem sendiráðið er búið að vera á sama stað í 87 ár en áður en það var sendiráð var þarna íslendingaskrifstofa og þjónusta fyrir íslendinga búsetta í Danmörku. 87 ár er nokkuð langur tími og mikið hefur gerst á þessum tíma í stjórnmálasögunni. Ég fann á mér að innan þessara veggja hafa margar mikilvægar ákvarðanir verið teknar sem varðar það samfélag sem við búum í dag. Þessari þjóðernisræðu er sem sé lokið ætli það séu kosningarnar sem hafi ýtt undir þjóðernisvitundina?
En við náðum að kjósa í tíð, ekki á síðustu stundu þar... nokkuð típískir íslendingar
