Múrinn er orðin nokkuð óstöðugur eftir að nautið tók vel á honum í morgun, sprungur farnar að sjást hér og þar. Nokkuð langt er þó í að hann hrynji alveg, en einn daginn gerist það. Ég lifði nefnilega af minn fyrsta fyrirlestur á danskri tungu sem haldinn var í morgun. Það var virkilega erfitt, miklu erfiðara en munnlega prófið sveitarstjórnarrétti hérna um árið, að standa frammi fyrir bekknum og tala á tungumáli sem maður hefur notað i nokkra mánuði. Ekki það að ég kynni ekki efnið, heldur að tengja huga og tjáningu saman, sérstaklega þegar orðaforðinn er takmarkaður. Um tíma leit ég út eins og rautt epli, sem stamaði orðunum upp úr sér, einu af öðru. ohhh... hvað ég er fegin að hafa komist ég gegnum þessa lífsraun. Reyndar hef ég öðlast mikla samúð hjá bekkjarfélögunum, þar sem þeir skilja ekki hvers vegna í veröldinni ég kom hingað til að nema nám sem ég gæti a) lært á Íslandi og/eða b) farið til enskumælandi lands. Að velja Danmörku og danska tungu, sem svo fáir tala, skilja þeir einfaldlega ekki.
Ætli danir velji alltaf einföldustu leiðina til að ná fram markmiði sínu? eða skipta landamæri ekki máli, heldur er það einstaklingsbundið?
laugardagur, febrúar 22, 2003
Nú má Birgitta Haukdal fara að vara sig þar sem samkeppni við sænska lagið verður rosalegt..... reyndar er úrslitakeppnin eftir, en það sem við horfðum á áðan var undankeppni, haldin í Gautaborg, var ekkert smá flott show, RUV getur farið og pakkað inn Háskólabíói um síðustu helgi og sent það í tunnunna, þar sem þessi staðbunda úrslitakeppni var eins og Evróvisionkvöldið sjálft... ekkert til sparað og Svíjarnir á S1 reittu af sér brandarana við góðar undirtektir Íslendinganna heima í stofu. Þvílíka Evróvision stemningu var ég komin í ... get svarið það. Ég verð að fara safna að mér lögunum.. til að geta haldið feitt partý í maí. Nóg með það... Reyndar duttum við inn í útsendinguna fyrir hálfgerða tilviljun, vorum að reyna komast hjá þætti dauðans... já ég meina það... Umræddur þáttur er versti þáttur í sjónvarpi sem ég hef á ævinni horft á, meira að segja Maður er nefndur var áhugaverðari en þessi ömurlegi þáttur Gladiatorerne. Þátturinn gengur út á það, að e-r massa tröll bæði karlar og kerlingar skora á hólm venjulegt fólk (sem er ekki venjulegt fólk, önnur massa tröll, íþróttafólk og fittness lið) Massa tröllin eru í alveg fatal búningum að annað eins hefur ekki sést á skjánum síðan Gleðibankinn steig á stokk. Þátturinn gengur út á það að massa tröllin og "venjulega" fólkið, keppist um að sigra hólmgöngur og þrautir sem eru lagðar fyrir. Inni á milli atriða koma geðveikar eldingar, og salurinn er fullur af klappliði, svona Hemma Gunn lið í Háskólabíói. Hafið þið það... ;)
Hvað gerir maður á laugardagskveldi... "hugge sig med kæresten, drikker en flaske rodvin eller to.." spjallar yfir góðum mat enda konuhelgi með ÖLLU tilheyrandi..úúhhh fékk blóm í dag og Robbie Willims, escapolgy diskinn. (geeeeðððveikur.... :o ) Held nú samt að diskurinn hafi verið keyptur með talsverðum trega... ööö kannski þar sem ég er búin að tala um þennan disk síðan hann kom út.. við frekar dræmar undirtektir en ... hvað gerir maður ekki fyrir elskuna sína :)
föstudagur, febrúar 21, 2003
jæja... fyrir þá sem hafa ekkert betra við tímann sinn að gera annað, eins og kannski undirbúa fyrirlestur f. mánudaginn... öööö á ekki við um mig :o
Þeir geta eytt tíma sínum í að horfa á myndbönd (short films) MJ eins og Billy Jean og Thriller.. kemur manni í góðan föstudagsfiðring.
Hvað kom eiginlega fyrir Tíkina? Tíkin, þetta annars ágæta vefrit byrjaði vel og skrifaði í anda þess málstaðar sem það stóð fyrir: "Að Tíkinni stendur hópur ungra kvenna, sem deilir þeirri skoðun að einstaklingsfrelsi, einkaframtak og jafnrétti séu grundvöllurinn að heilbrigðu samfélagi og að allir skuli hafa jöfn tækifæri til að raungera möguleika sína." En núna virðist þetta ágæta vefrit verða orðin kosningamaskína fyrir humm... já, engan áróður hérna, fyrir ágætan háskóla- og stjórnmálaflokk. Eru kosningar í nánd?
Ég hef verið að lesa sl. vikur á Deiglunni, Frelsinu og Tíkinni og af öðru bloggi þar sem pennar hafa verið að skrifa um hvernig Ingibjörg Sólrún hafi svikið kjósendur sína með því að hella sér út í landsmálin. Núna eru kosningar í nánd og barátta flokkanna hafin fyrir endukjöri sæta á Alþingi. Veit fólk ekki almennt hvernig lýðræðið virkar? Mér finnst þetta vera svo augljóst og að menn nenni að vera eyða tíma í að skrifa um þetta greinar, málefni sem er svona gefið... skil það ekki Ef kjósendum finnst þeir hafa verið sviknir af ISGdóttur, þá bara velja þeir annan einstakling sem þeir treysta. Núna hugsa sumir... já en R-listinn verður við völd í RVK í þrjú ár í viðbót og við getum ekkert gert fyrr en eftir þrjú ár, þ.e. í næstu sveitarstjórnarkosningum. Lausnin við þessu gæti verið, ef kjósendur eru svona hrikalega svekktir, hafna Samfylkingunni í næstu alþingiskosningum með því að greiða atkvæðið til annars flokks og sýna þannig óánægju sína. Sama hvað pennar út í bæ skrifa þá er það í höndum kjósenda að velja og hafna og vonandi kynna þeir sér vel hvernig matseðill verður í boði hjá flokkunum í komandi kosningum.
fimmtudagur, febrúar 20, 2003
Svo er það hún Magga mín bara fara kaupa sér sína fyrst tölvu... Þetta er ótrúlegt Margrét, get varla orða bundist.. öööö .. heyrðu bíddu aðeins við ....en hvað ertu aftur að læra??? kannski... ertu ekki í MIT kannski ertu bara að blekkja okkur öll, þú ert bara enn heima að kenna í "Tækniskólanum" Geðveikt plott.... Eitt núll fyrir Margréti ;o
Heilsan öll að koma til, hvað ætli það hafi verið... vítamínið, sólhatturinn, nefspreyið...eða maður veit ekki... Kannski voru þær fréttirnar sem ég fékk í gær.... við hjónaleysin, ásamt cellunni hans Gumma í vinnunni, á leið Cabaret. Verð nú að upplýsa það hér og nú, að ég hef aldrei komið á Cabaret... þannnig að ég hlakka mikið til sérstaklega þar sem það er upppantað langt langt langt fram í tímann. Danirnir eru nefnilega alveg stórfurðulegir þegar að kemur að svona "plana fyrirfram hlutum" Ég heyrði nefnilega sögu um daginn sem segir meira en margt annað... Það voru hjón sem langaði að skella sér í bíó, nánar tiltekið á Hringasögu II. Þau töluðu við nágrannan um að passa, eða hvort e-r var í heimsókn til að passa frumburðin en þau fóru allavega af stað í bíó-ið eins og maður ákveður heima með tveggja tíma fyrirvara. Fóru í röð og Nei nei, svaraði skvísan, það er uppselt fram í maí (eða e-ð álíka), það verður að panta með fyrirvara... Hvað meinaru... uppselt í bíó fram í maí.. Já, Danir ákveða hvenar þeir fara í bíó með elskunni sinni, félögunum eða fjölskyldunni með margra vikna fyrirvara... humm...laugardaginn 4. apríl ætla ég í bíó með elskunni sé ég Íslendinga í anda, plana bíóferðir með nokkra vikna fyrirvara. Það varð sem sé ekkert úr þessari bíóferð hjá parinu...skúffelsi (yrði maður nokkuð pínu mikið PIRR)
þriðjudagur, febrúar 18, 2003
H-in fjögur eru komin í heimsókn til Holte hiti - hor - hálsbólga - hósti :( C-vítamín og sólhattur drukkið eftir bestu getu... Mér finnst svo leiðinlegt að vera lasin
mánudagur, febrúar 17, 2003
Íslenskt sveitarball í Danmörku var ótrúlega skemmtileg uppákoma sérstaklega þegar menn eru nokkuð edrú og geta spottað smáatriðin af nákvæmni. Íslendingar alltaf við sama heygarðshornið þegar kemur að áfengi... Kom okkur svo sem ekkert á óvart ;) Sveitin mætti á staðinn eftir blótið sjálft, milli 23:00 og 24:00 og þá var stemningin orðin nokkuð góð... Við innkomuna blasti við okkur þetta fína félagsheimili eins og þau gerast best í dreifbýli á Íslandi. Uppröðun borða og stóla eins og á góðu sveitarballi og minnti einna helst á "Með allt á hreinu" stólarnir voru meira að segja ekta... Bandið (Í svörtum fötum) íslenskt að sjálfsögðu, sá um stemninguna við góðar unditektir viðstaddra... Þeir spiluðu allt frá Rammstein og dansku rónaröflri til sálarinnar og eigins efnis... fínt dansi band og er ég enn með sperrur í skrokknum...Á svæðinu var mikið af ólíku fólki... var allt frá nýdönum, nýskriðnum til landsins, dauðþreyttum háskólanemum til reynslubolta, sem sest hafa hér að á tímum Flower Power og Harre Kristna og bankastjóra í vísiteringu frá Íslandi, sem sé allt litrófið... Þetta var langt en fínt kvöld og mikið var ljúft að komast heim til að hvíla lúin bein... reyndar bara tvö þar sem næturgestir okkar höfðu öðrum hnöppum að hneppa... :o
Jæja, mágurinn og félaginn á leiðinni heim eftir 3 kassa af öli, fimm spólur af "erotisk lystspil", tyrkjaklippingu, nokkrar dósir af munntóbaki, búðarrápi með SBJ sem fararstjóra, kurteisis heimsókn í Stínu, prufuakstur á Bjöllu '59, stífluðu klósetti, kælderbars heimsókn í Holte City og síðast en ekki síst... íslenskt sveitarball í félagsheimili á Amager með tilheyrandi drykkju og sittihvora þrítuga ísl skvísuna upp á arminn (og...). GERI AÐRIR BETUR!!!!
fimmtudagur, febrúar 13, 2003
Verkefnið í prentaranum... jess ætli við náum núna.. líkurnar hafa aukist til muna :o en það er bara að bíða og sjá...
Allavega er mágurinn mættur með félagann sinn og húsbóndinn í Holte heldur búin að bæta á ölbirgðir. Þorrablótið býður okkar á laugardaginn og vonandi verður það stuð... geri nú ekki ráð fyrir öðru en fólk taki sæmilega á því eins og venja er þegar Íslendingar skemmta sér.
sunnudagur, febrúar 09, 2003
Fórum í mat til nöfnu minnar, Palla og litlu snússunar Helenu Evu í gærkveldi. Góður matur, skemmtilegur félagskapur og lítil gússimús til að pota í og halda á. Gott kvöld nema hvað að nágranni þeirra var ekki alveg á sömu bylgjulengd og truflaði hann pínu kvöldið. Ekki það að hann færi e-ð í taugarnar á mér enda þekki ég manninn ekki neitt...meira svona skaut upp vangaveltum um gæði nágranna og mikilvægi tillitseminnar þegar maður býr ekki í einbýlishúsi heldur í sambýli. Strax upp úr átta fór að heyrast þessi rosalega fjölbreytta Euroteknó tónlist (dauðans :o ) handan veggsins. Mér var hugsað til Tunglsins sáluga og þeirra skipta sem ég og Elín fórum þangað til að dilla okkur...síðan eru liðin mörg ár . Nágranninn kom til tals, þrítugur strákur með aflitað hár ...og það er búið að vera partý nánst hverja helgi eftir að 18 ár skvísan hans flutti út eftir að hafa verið komin í samkeppni við aðra!!!...kváði nafna mín við. Púff og þið með lítið barn. "Hann fer alltaf niðri bæ milli 11 og 12 og þá er friður... Ég get ekki annað en dáðst af þeim fyrir að sýna þessum manni eins mikið umbuðarlyndi og raunin er þar sem allir í kring eru búnir að kvarta yfir hávaða nema þau en ekkert gerist. Í sannleika sagt, var á tímibili varla hægt að tala saman þar sem blaaasssttiiiðð hans var spilað skuggalega hátt. Allt í kring er barnafólk... hvað á fólk eignilega að gera??? ég sem var að nölla yfir japönsku nágrönnunum sem spila japanska þjóðlagatónlist (nei ok ...japanskt popp :) og húsmóðurinni sem býr fyrir ofan okkur. Það er engin lýgi.. þegar hún tekur upp ryksuguna, þá hristast myndirnar mínar á veggjunum, þvílík ástríða á þrifunum... Kommon félaginn er þrítugur og hann getur ekki sýnt nágrönnum sínum sanngjarna tillitsemi.... Spurning dagsins: Hvað er hægt að gera við tillitslausa nágranna?
föstudagur, febrúar 07, 2003
"Hagnaður Búnaðarbanka Íslands hf. á árinu 2002 var 2.755 milljónir króna fyrir skatta en 2.288 milljónir að teknu tilliti til reiknaðra skatta. Hefur hagnaður bankans aldrei verið meiri." "Hagnaður Landsbanka Íslands hf. á árinu 2002 nam 2.549 milljónum króna fyrir skatta, en að teknu tilliti til skatta nam hagnaður bankans 2.028 milljónum króna": segir moggin!!! Hvað er þetta með bullandi hagnað bankanna ár eftir ár? Ég bara spyr sem neytandi, þar sem ég hef hvergi orðið vör við neina vaxtalækkun. Ég er nú enginn fjármálasnillingur og veit vissulega að bankarnir eru reknir með arð í huga en er ekki tími til komin að þeir fari að leyfa viðskiptavinum sínum að njóta arðsins til dæmis í formi lægri vaxta á útlán eða... hærra vaxta á sparifé. Hvað er málið???
Enn ein helgin runnin upp og margir hugsa sér gott til glóðarinnar, bjóða fólki í mat... eða horfa á sjónvarpið....eða taka til... ekki ég, ohh þarf að læra og klára þetta helv... heimapróf þannig að "bestået" komi upp á skilaboðatöflunni niðri í skóla. Maður verður nú að drífa þetta af þar sem elskulegur mágur minn droppar hérna við á miðvikudaginn og á ég nú von á að nokkrir kassar af bjór hverfi á meðan hann er í heimsókn. Ég segi bara góða helgi... :(
fimmtudagur, febrúar 06, 2003
Það skipir ekki máli hvaða miðil maður les, atvinnuleysi á Íslandi er að aukast rosalega hratt og fullt af menntuðu fólki situr heima og sækir um allavega vinnu til að hafa e-ð fyrir stafni. Úff hvað ég er heppin að vera í skóla á þessum samdráttartímum og spái ég að þetta verði eitt af stóru kosningamálunum í vor. 6000 atvinnulausir kjósendur eru nokkur atkvæði!!!
Jæja athugasemdir komnar í loftið, nú er bara að tjá sig um dagsins þanka !!!! KOMA SVO ekki vera feimin :)
miðvikudagur, febrúar 05, 2003
Jæja, skólinn byrjaður og stressið farið að banka á dyrnar. Búin að mæta í fyrstu tíma annarinnar og taka út kennarana. Þar sem stjórnmálafræðin hérna í Danmörku er afskaplega íhaldsöm átti ég nú ekki von á þráðlausu neti í skólanum. Mér er hugsað til samnemenda minna í HÍ er þeir kvörtuðu óspart yfir því að skólinn byggi ekki yfir þráðlausu neti þar sem HR væri komin með slíkt og blablabla Háskóli Íslands, þessi mikla mennta- og rannsóknarstofnun væri með lélegar tölvur og þar fram eftir götunum. Sumir af kennurunum mínum við stjórnmálafræðiskor lágu undir ámæli, meðal annars vegna þess að þeir notuðu glærur eða tússtöfluna í stað powerpoint glæra, sem áttu helst að vera komnar á netið degi fyrir kennslu eins og var í verk- og viðskiptafræðideildum. Allt svo gamaldags og við svo eftir á... Mikið vatn hefur runnið til sjávar síðan þetta var og flestir fastráðnir kennarar við skorina eru komnir með heimasíðu, þó ekki þeir allra þrjóskustu. Þráðlaust net kom fyrir e-m árum og allir komnir með lappa í skólann. Sem sé HÍ tæknivæddur en það get ég ekki sagt um stjórnmálafræðina hérna í Danmörku. Vá hvað þeir eru eftir á í að netvæða kennsluna. Ef það er ekki gamla góða krítin á grænu töfluna,sem er vonandi búið að skipta um síðan í tíð Konráðs Gíslasonar Fjölnismanns, þá er það tússtaflan og við sérstök tilefni er notast við glærur. Aldrei powerpoint eða lappinn notaður meira að segja Ökonomi kennarinn notaðist við útprentaðar glærur en ekki glærushow. Mér var allri lokið er ég reyndi að rýna í letrið á glærunni í sal sem tekur Fullt af fólki og er með þrjá varpara sem varpa af glærunni... liðið heima kvartaði en hérna opnar enginn munninn. Það er enginn í 50 manna bekknum mínum með lappa til að skrifa á og ef það eru fyrirlestrar þá er notast við grænutöfluna, tússinn eða glærur. Hversu lengi þetta heldur svona áfram verður vert að fylgjast með en ég verð hérna næstu árin þannig að kannski fer ég aftur í grænutöfluna og nota glærur við sérstök tilefni.... Lengi lifi tæknin !!!
þriðjudagur, febrúar 04, 2003
Annað fallið á ævinni staðfest... ohhh Reyndar hef ég aldrei á mínum skólaferli verið eins viss um fall eins og þetta hóp próf, sem ég skilaði 13. januar fyrir hönd okkar þriggja. Ég setti mig í spor kennara og hugsaði... ef ég fengi svona pappír inn.. ekki neinn vafi á falli. Kennarinn tók okkur alveg hrikalega í gegn. Kaupmannarottann og ég vorum saman í yfirhalningunni þar sem Færeyingurinn var ekki á svæðinu. Kennarinnn byrjaði að gagnrýna málfarið og sagði það hafa verið hrikalegt, ekkert samhengi í setningum og blablabla... kaupamannahafnarrottan byrjaði að afsaka sig, sagði hópinn standa af Íslendingi, Færeyingi og Dana... Rottan roðnaði... vá hvað ég var fegin að vera ekki Dani þarna... :o Í ljós kom að það óvænta hafði gerst, minn hluti, sem ég hafði skrifað og blótað svo var bestur af þeim, mín framsetnig og tenging við þær kenningar sem við skrifuðum um. Sjálfstraustið rauk upp úr öllu valdi .... Djövull... hugsaði ég, hefði ég verið harðri á mínu og ekki gefið eftir þá hvað??? Innst inni finnst mér þetta vera hálf fyndið - eiginlega bara gott. Að taka svona hóp próf finnst mér alveg vera út í hött, hóp vinna er góð í blandi við einstaklingsvinnu en próf...rugl. Þar endar hóp prófið á að meirihlutinn ræður (eins og í hóp vinnu) en þetta er Próf ekki verkefni... og við féllum vegna skorts á trausti til hvors annars, m.ö.o. vegna skorts á trausti til mín. Hefði þetta átt sér stað í heimi atvinnulífsins ætli við hefðum verið öll rekin - eða bara þeir - eða hefðum við sloppið með áminningu?
