Jæja loksins komin helgi. Við nennum ekki að standa í stórræðum í eldhúsinu þ.a. við ákváðum að gera pizzur, þar sem hver setur á sína pizzu það sem hann vill - ekkert vesen eins og; "ég vil ekki sveppi", "ekki svona mikið af kjötáleggi" o.s.frv. Þar sem við eigum oft erfitt með að stilla magni í hóf og endum með nokkurra daga afganga þegar við eldum e-ð skemmtilegt í eldhúsinu, þá ákváðum við að bjóða Ölmu og Nonna, nágrannafólki okkar, fyrirvaralaust að eta með okkur - þar sem fyrirhöfnin er engu meiri því hver útbýr sína flatböku. Á boðstólnum er m.a. ferkt krydd, ræktað í gluggakistunum, ýmisskonar kjötálegg úr Netto, fjórar gerðir af ostum og svo að sjálfsögðu laukar. Það eina sem þarf að gera er að klippa niður kryddið og svo skera niður allt heila klabbið og kom jólagjöfin hennar Söru sko aldeilis að góðu gagni. Húsbóndinn næstum tapaði sér í "niðurskurðinum" meðan húsfrúin hrærði í deigið. Þá er bara að vona að það verði ekki mikill afgangur. Reyndar höfum við ekki miklar áhyggjur af því, því Nonni nágranni etur á við þrjá, enda júdógarpur mikill.
Svo er það bara að skola niður með nóg af dönskum bjór...enda telst hann vart til hlunninda hér.
ohhh .... ekki nógu góður leikur en mikið rosalega var gaman að hlusta á útsendinguna af rás 2. Það var samt hálf asnalegt að horfa á danina tekna í XXXX á Tv2 og hlusta á rosalega líflega og tilfinningalega lýsingu íslenska þularins um leið. Það hefur oft verið sagt að íslendingar séu lokaðir og kaldir ... en þegar kemur að handabolta verða allir vinir ;) þvílíkur hiti og þvílík ástríða. Annað var upp á teningnum hjá þulum Svíþjóðar og Danmerkur. Ég held að ég hafi aldrei hlustað á eins flata útsendingar af íþróttaviðburði eins og raunin var í gær. Það er sem sé satt hvað stendur í dönskukennslu bókinni, "danir eru lokaðir, femnir og þora ekki að láta tilfinningar sínar í ljós" Vissulega eru fleiri breytur inn í í dæminu sbr. léleg framistöða eða skortur á þulareynslu (maður veit aldrei) en KOMM ON .... þetta var alveg hrikalega flat og leiðinlegt á að hlusta. Ætli frændur okkar taki ekki lífsleikni í menntaskóla? eða æfi sig í blæbrigðum raddarinnar? hhhuumm ??? Kannski að Gusan skelli sér til Lissabon til að horfa á leiki helgarinnar.... ef ekki þá bara ÁFRAM ÍSLAND
fimmtudagur, janúar 30, 2003
Djöööövulllllllll er leikurinn spennandi..... og danir á leiðinni heim... hehehehe
Býr einhver yfir góðri uppskrift af indversku nan-brauði - kannski með kóriander, hvítlauks, turmenik bragði...
Fyrir þá sem elska kaffi og eru kaffifíklar eins og Gusan er þetta tæki alger snilld. Tækið er mjólkurpískari. Menn fjárfesta í ránddýrum kaffivélum (ekki það að mig langi ekki í svoleiðist græju en ekki strax...) sem er alveg hundleiðinglegt að þrífa þar sem mjólkin freyðist upp stútinn og harðnar. Allavega er mjólkurpískarinn hér til umræðu en ekki kaffivélar. Kosturinn við pískarann er óneitanlega stærðin, sem er viðráðanleg í allar töskur og er þess vegna mögulegt að taka hann með í tjaldútileguna, sumarbústaðinn, sumarfríið og þess vegna í heimsókn til nágrannans sem er ekki fyrir kaffi en vill bjóða upp á það fyrir kaffifíkla eins og mig :o Ég hef meira að segja hrært rjóma í kakó um jólin, bara setja smá rjómaslettu í kakóbollan og on.... sisississiisisi og rjóminn tilbúin... ekkert uppvask bara tóm snilld ;) Ég mæli með þessari græju fyrir alla kaffiunnendur og skora bæði á Kaffitár og Whittard í Kringlunni ef þeir selja hann ekki nú þegar, að vinna í því strax.
þriðjudagur, janúar 28, 2003
Mánudagar og miðvikudagar eru málaskóladagar. Þá fer ég í dönskukennslu fyrir útlendinga en markmið þeirra sem vilja klára dönskunámið samsvarar studentsprófi í dönsku heima. Ég tók nú ekki dönskuprófið með glans á sínum tíma og þrátt fyrir að hafa pappíra upp á studentspróf í dönsku ákvað ég að skella mér svona til að rifja upp skemmtilegar minningar frá dönskukennslunni í Snælandsskóla og MS . Bækurnar eru ágætar en mér líður eins og sé komin í Snæland aftur... með Valborgu bak við kennararborðið. Ef maður er ekki með 85% mætingu þá er manni hent út úr skólanum og að fá frí vegna prófa í öðrum skóla eða veikinda barna er ekki umsemjanlegt. NEJ, det er ikke muligt.... Ég hef ekki verið undir svona ströngu eftirlit í mörg ár, meira að segja í MS þurfti margfalt meira til en þetta, til að vera hent út úr skólanum eða falla á mætingu. Í gær kórónaði kennarinn alla dönskukennsluna mína frá upphafi þegar við áttum að syngja þjóðlag frá 1910. Í Snælandi var notast við Kim Larsen sem mér finnst algert æði í dag :o ... en þetta var rosalegt. Í fyrsta lagi var textinn á mjög gamalli dönsku og þakkaði ég Guði fyrir að vera íslendingur og skilja hvað lagið gekk út á en gat ekki alveg séð fyrir mér íranan, marakkóbúan, spánverjan, ungverjan og hollendingana tengja þetta saman við sína menningu. Í öðru lagi sló kellingin í borðið til að halda takti og sönglaði eins og laglaus prestur fer með blessunarorð í messu. Í þriðja lagi sagði hún að maðurinn hennar væri organisti og við ættum eftir að syngja fullt af álíka þjóðlagasálmum um hvernig líf danska almúgans var í upphafi 19. aldar þar sem Guðs orð var fyrsta og síðasta orðið. Vóóóhhh... hvað ég er orðin umburðarlynd.
Kodda vandamálið er komið á hreint... 50*70 á Íslandi og í Noregi, 60*63 í Danmörku og í Svíþjóð er hún 50*60. Það er ekki til neitt sem heitir Skandinavísk stærð heldur eru þær misjafnar. Lausnin sem ég fékk senda á email frá traustum lesenda, var bara að kaupa kodda í Ikea og þá gæti ég alltaf keypt rúmföt þar, hvort sem ég er í Danmörku, Svíþjóð eða á Íslandi. Nokkuð gott...
föstudagur, janúar 24, 2003
Magga tæknitröll, Sara andlegur stuðningsmaður og Guðmundur verktaki, eru að vinna við síðuna þannig að hún liggur niðri í e-n tíma en vonandi get ég haldið áfram að skrifa í dagbókina.
fimmtudagur, janúar 23, 2003
22. janúar ´03 Sómalar hafa verið taldir baggi á danska velferðakerfinu þar sem stór hluti þeirra vinnur ekki heldur þiggur atvinnuleysisbætur og flóttamannabætur og styrki og og og... Þegar maður talar við dani og spyr þá um innflytjendur, þá eru sómalarnir ofarlega á lista yfir þá innflytjendur sem danir vilja ekki fá eða vilja losna við. Heyrst hefur að í Sómalíu vinni konur öll verk og karlarnir geri ekki neitt þess vegna kunna Sómalskir karlmenn ekki að vinna. ... En Somalia mænd ikke arbejder... Sel þennan frasa ekki dýrari en ég keypti hann á en í gær las ég mjög áhugaverða grein í dönsku blaði. Viðtal við sómala, konuna hans og börnin sex. Maðurinn flutti heim til Sómalíu eftir sex ára búsetu í Danmörku. Blaðamaðurinn vildi vita, hvers vegna fjölskyldan flutti frá Danmörku þar sem hann fékk allar þessar bætur, styrki og fría menntun, ókeypis aðganga að heilbrygðiskerfi og, að hann taldi betra líf. Svarið var einfalt, danir eru rasistar, við fáum ekki vinnu við okkar hæfi þrátt fyrir menntun og starfsreynslu. Danskt samfélag sýnir okkur ekki þá virðingu sem við eigum skilið, þar sem allir sómalar eru stimplaðir auðnuleysingjar. Heima í Sómalíu fáum við bæði virðingu og atvinnutækifæri sem eru manni samboðin. Vissulega höfum við fjárhagslega úr minnu að moða og svo er aðgangur að lyfjum og læknum takmarkaður en okkur líður betur hérna.
Hver segir svo að velferðakerfið með öllum sínum styrkjum og bótum leysi allan vanda og að peningar séu allt !!!!!
Sara
22. janúar ´03
Það er nú ekki allt eins á Íslandi og í Danmörku. Komst að því er leit stóð að nýjum rúmfötum. Í einfeldni minni hélt ég, að ég gæti bara farið i næstu búð og keypt þau rúmföt sem mig langaði í. Abbabab.. heyrðist í Guðmundi, róleg, koddaverið er of lítið. Vitleysa... sagði ég, gömulu koddarnir eru keyptir heima og varla eru íslendingar með sér rúmfatastærðir...eða koddastærðir.
Jú jú mikið rétt í Danmörku er venjuleg koddastærð 60*63 eða 50*60 en koddarnir að heiman eru það ekki. Hvaa.. það hljóta að vera til mismunandi stærðir af koddum alveg eins og sængum sagði ég. Við leituðum og leituðum... ekkert. Ég, óþolandi viðskiptavinurinn spurði afgreiðslustúlkuna um hvort væri ekki til aðrar stærðið af koddum. Nej nej, svaraði skvísan, det er standard skandinavisk størrelse. Aha og ég helt að Ísland væri hluti af skandinavískum rúmfatastærðum fyrst við berum okkur ansi oft við hin norðurlöndin en það á allavega ekki við í þessu tilfelli.
Við nánari eftirgrennslan og ábendingar frá vinum langar mig að segja tvennt. 1) Ég veit að er Ísland ekki hluti af skandinavíu heldur norðurlöndum og 2) þá frétti ég í dag, að koddastærðir í Danmörku eru ekki þær sömu og í Noregi og Svíþjóð. Þetta hef ég eftir manni sem er bransanum... Spurning mín er því þessi... hverjar eru þá "standard" koddastærðir í Noregi og Svíþjóð?
Sara
20. janúar ´03
Mikið rosalega er fyrsti kaffibollinn alltaf góður og sérstaklega með morgunblaðinu á mánudagsmorgni. Ný og fersk vika framundan og sólin hækkar og hækkar. Helgin var fín, kíktum í Lyngby á útsölur á laugardaginn og fórum í mat til Siggu Birnu frænku um kvöldið og borðuðum kjúkling tikkamasala. Við kíktum á fælles barin og hittum tvær færeyskar stelpur. Vá ég hélt að Ísland væri lítið en heimurinn er það (og Færeyjar líka). Upp úr spjallinu kom, þegar Gummi sagðist vera ættaður úr Færeyjum, að önnur þeirra þekkti til færeyskra frænda Gumma og ég veit ekki hvað... Svo kom til tals færeyingurinn sem er með mér í lesigrúbbu. Já já sagði önnur þeirra, ég þekki hann vel, hann er nú gamall kærastinn. Váá... Ísland er ekki bara lítið, heimurinn er það :O Þessar píur voru sem sé alveg hrein snilld... Í gærkveldi fórum við í kaffiboð til Nonna nágranna og konunnar hans, Ölmu. Mér finnst ekkert smá notalegt að eiga að nágranna, Nonna nágranna, það er svo heimilslegt. Allavega fengum við rosalega góða skúffuköku, m/rjómaslettu og margskonar osta. Notaleg kvöldstund þar. Svo fekk ég email frá Olgu systur er við komum heim úr heimsókninni...settið mitt, Olga og amma og afi í Hrísey eru að koma hingað um páskana.. úúúú... hvað það verður skemmtilegt :)
Sara
17. janúar ´03
Jæja... námspappír og reikningar komnir í möppur... tók allan daginn ekkert smá leiðinlegt á meðan því stendur en mikið rosalega er maður feginn þegar þetta er búið og draslið komið upp í hillu. púfff...
Politiken var með áskriftartilboð í vikunni og lét ég tilleiðast að kanna blaðið í 6 mánuði og greiða 1.120 dkk. fyrir. Ágætis tilboð. Sölumaðurinn nokkur skondinn típa, ætlaði ekki að sleppa okkur inn í Kvickly en komust á endanum. En það var eitt sem stóð uppúr þessu samtali við félagann. Per blað, sem ég fengi heim í gegnum lúguna á fullu áskriftarverði, kostar það sama og eitt stykki í lausasölu. Ég skildi þetta ekki alveg og spurði hvort ég skildi rétt.... já já svaraði félaginn, það kostar nefnilega að fá blaðið sent heim. Ahh... hugsaði ég engin furða að þið séuð í áskriftarátaki!!! Fékk síðan fyrsta blaðið í morgun. Fínt blað og áhugaverðar greinar verst hvað danskan mín er háð orðabókinni...en sem komið er.
Sara
16. janúar 2003
Er að reyna mana mig í að fara raða glósum og reikningum í möppu... en þar sem mér finnst það afskaplega leiðinlegt þá er ég enn fyrir framan tölvuna að vafra og hlusta á rás 2.
Er nokkuð ánægð hvernig lærimeistarinn minn Dr. Baldur Þórhallsson er góður við að fjalla um Ísland og samrunaþróun Evrópu á málefnalegan hátt enda góður fræðimaður. En þetta er einmitt sem vantar í umræðu um Evrópumál á Íslandi... málefnalega umræðu. Mæli með öllum sem hafa áhuga á samrunaþróun Evrópu og stöðu Íslands að rýna í bók Baldurs, The Role of Small States in the European Union
Sara
Um daginn fórum við Guðmundur að sinna einu áhugamálinu sem er hönnun. Í tilefni að 100 ára afmæli danska hönnuðarins Arne Jacobsen var sýning í Louisiana safninu á verkum og ferli Arne. Mikið rosalega var gaman að skoða verk Arne og mikið ótrulega kom hann niður á marga ólíka þætti hönnunar. Allt frá landslagshönnun til hönnunar blöndunartækja, hnífapara, hurðahúna, lýsingar, húsgagna og textstíls. Uppáhalds húsgagnið mitt eins og er, er Svanastóllinn. Þetta er stóll sem tekur brosandi á móti manni þegar horft er á hann... og það er ekki óþægilegt að sitja í honum eins og er oft með flott húsgögn. "Stundum" er flott hönnunn mjög ópraktísk þar sem hún er eingöngu flott en hefur ekki mikið notagildi. Á sýningunni voru skissur af stólnum ... ekkert smá svalt að sjá það :o
Sara
15. janúar 2003 Loksins loksins er þessi helgi búin, mikið var hún ömurlega leiðing. Byrjaði á því að vera gómuð í lestinni þar sem vantaði eitt Zone uppá og ...þýðir tæpar 6000 ISK í sekt... djövull var ég fúl. Allavega var mikið drukkið af kaffi og kóki...fékk koffín tremma í gær. Svo reyktu þeir félagar karton af sígarettum þannig að ég gersamlega reyktist þessa helgi í orðsins fyllstu merkingu. Er hundóánægð með minn hluta verkefnisins og tel ég það vera kraftaverki líkast ef ég næ (við) og til að bæta gráu ofan á svart... þá festist ég í metróinu í hálftíma á sunnudagskvöldið, þreytt, pirruð, óánægð. Ég kom heim með svo mikla skeifu að það er langt síðan skeifan var svo stór...
Er búin að jafna mig... Gummi fékk smá púst og Fjóla frænka líka og núna er ég kominn í gírinn. Fékk góðar fréttir að heiman, nýmalað kaffitárs kaffi og randalínu frá tengdó og nóakropps poka.... var búin að gleyma hvað það smakkaðist vel. Allavega er ég komin í vetrarfrí og ætla njóta þess vel...
Sara
8. janúar ´03
Vá.. nú fyrst ég orðin stressuð yfir heimaprófinu sem skila á 13. janúar kl. 12:00. Strákarnir í grúppunni minni er ekkert smá rólegir á því og ... eftir daginn í dag er ég orðlaus. Hvorugir búnir að lesa allt efnið sem við völdum og á að skrifa um, þrátt fyrir að færeyingurinn hefði verið veðurtepptur í Færeyjum og hefði nægan tíma til að lesa... og miðbæjarrottan enn þá að jafna sig eftir áramótadjammið...
suss suss suss
Þetta er gallinn við að vinna með hinu kyninu í verkefnum. Púff ...þetta verður löng og svefnlítll helgi :(
Sara
7. janúar ´03
Það er merkilegt hvað tíminn hefur liðið hratt, bara komið nýtt ár. Þegar ég hugsa til baka þá var síðasta ár nokkuð viðburðaríkt, fimmtugsafmæli okkar, ein háskólagráða, flutningur til frá heimahögunum til framandi lands með allri þeirri óvissu sem því fylgir. Nýr skóli, nýtt tungumál, ný vinna og nýtt heimili. Það er með ólíkindum hvað mannskepnan er dugleg að aðlaðast nýju umhverfi.. Nokkuð sátt við síðasta ár !!! en hvernig ætli það næsta verði??
Ég hef nú verið þeirrar skoðunnar að mennirnir skapi sér sín eigin tækifæri, bullandi frjálshyggja ... ætli ég hafi setið of marga tíma hjá Hannesi?
